احببته فى معسكر الرجال
ولا واحدة صح لحد دلوقتي!
_ مش بعرف بعرف بس
طب اسكت عشان عينك لسه وارمة اسكت بصيلي كده بتمسك كده وسن نملة الذبانة
_ نملة وذبانة متتكلمش تاني بقيي
اسمع بس واهم حاجه في طلق الڼار ت..
_ ايوة اهم حاجه اي انا محتاج اعرف
هرش في راسه ورجع بصلي تسمي الله
طلق واحدة وجت في النص _ ما شاء الله ظابط ظابط يعني
كان بيساعدني لحد ما عرفت اطلق صح انا من فرحتي كنت هفرتك دماغه ب الي معايا
يلا يجماعه ميعاد الغدا
روحنا كلنا مكان كان فيه طربيزات الاكل اتحط قدامنا كان شوربة عدس
_ عدس اي في الحر دا!
كل ووطي صوتك بدل ما تبقي عبرة
شربت وبعدين تفتها _ لاء مهو احنا مش حيوانات بقي!
القائد جه ووقف قدامي ثابت
مش عاجبك الاكل ولا اييي
_ناقص ملح يفندم ملوش طعم يفندم اشربها ازاي يفندم قاولوني يفندم سهلوها علينا ربنا يكرمكم يفندم
الكل ضحك سكات
العنبر كله سكت والقائد قرب مني وهو متعصب
تمم بس انت بقي الي هتطبخ بعد كده
_ اطبخ! يفندم انا..
ولا كلمة كلامي واضح تخلص تدريبك وتيجي تطبخ وابقي اعمل الاكل ملحه مظبوط بقي
متزودش ملح بقي عشان مبحبش الاكل مملح
_ اقعد ساكت يا احمد عشان هيطلع عين اهلي في المعسكر دا
كنت اشرب وخلاص
_ يعم منا عندي حاسه اسمها التذوق! الي هي معډومة عندكم كلكم!
احنا كرجالة بنستحمل اي حاجه ف استحمل زينا عشان مزعلكش
_ يعم ماشي يعم انا لو محطتش سم في الاكل بكرة وريحت العالم كله مننا مبقاش انا ماشي
رايحين علي فين
هنام بقي الواحد معتش قادر
الصراحة يباشا جايبين صنف عالي اوييي لازم تجربه
يعم منا قولتلك مليش في السجاير
لاء دا شرب ويسكي من الي بنشوفه في الافلام ومعتبر
مفيش حاجه صعبه علينا المهم يعني هتسهروا معانا
_لاء يعم استغفر الله العظيم منكر اي بس!
بقولك ويسكي
_ لما قولت اسمه بالانجليزي كده بقي عادي يعني ولا اي
تعالي يباشا انت السهرة بدأت تحلو
طب بصوا انا هقعد بس مش هشرب امين
ماشي يزعامة الي تشوفه
_ هروح انام انا تصبحوا علي خير
لبست اللبس الرجالي والباروكة تاني بسرعة قعدت علي السرير ولقيت الباب بيخبط بالجامد ف فتحت
_ في اي يا احمد مالك!
الله شكلك حلو اوييي!!
_ انت شربت دا كده كملت إلحقونا يجدعان
رواية أحببته في معسكر الرجال الفصل الرابع 4 بقلم مريم سمير
_ في اي يا احمد مالك!
الله شكلك حلو اوييي!!
_ انت شربت دا كده كملت إلحقونا يجدعان.
زقني ل جوا ششش الناس تسمع وطي صوتك
_ طب فوق يالا طيب!
انتي مين
_ انتي انا عبدالله فوق يا احمد يخربيت دماغك
قرب مني _ احمد! طب تعالي احط راسك تحت الميا
مسكت أيده ف شدني للحيطة كان قريب مني اويي باصص في عنيا كأننا في مشهد! كان لازم اركب دقن كمان الشنب مش عامل شغل الواد خلاني ارتبك.
_ سامحني يصاحبي
مسكت راسه واديته دماغ وقع علي السرير الحمد لله هه وانا وقعت جمبه بدل ما اخليه يغمي عليه خليتنا يغمي علينا احنا الاتنين فنانة والله
صحيت الصبح وانا ماسكة دماغي ولقيته واقف قدامي
حصل اي امبارح
_ انت شربت يسطا مش كده
كان كاس تفاريح كده
_ دا انت دماغك طلعت خفيفة اوييي بس غشيم اديتك دماغ لقتني مددت جمبك
ضحك طب قوم يلا عشان وراك حاجات كتير النهارده
_ انت مش وراك معايا ولا اييي
ورايا تدريب بس انت وراك تدريب وطبيخ ولا نسيت
_ خنجرين وأرشقهم في قلبي انا استاهل عشان بتأمر
اما نشوف نفسك في الاكل عامل ازايي مش يمكن ربنا يكرمك والريس يخليك تطبخ بس
_ وانا جاي هنا اطبخ واشمعنا انا مستقصداني وجايه لي دايما عليا
لاء بقولك اي فكك من دور الضحېة دلوقتي عشان التدريب هيبدأ
خرجنا ووقفنا في الصف كله يطلع فوق عاوزكم تنطوا نطة الثقة
_ تطلع اي نطة الثقة دي يصاحبي
هننط في حمام سباحة الي يعيش يعيش والي ېموت بنقرأ عليه ربع جزء ونروح الچنازة ونرجع نكمل
_ انتوا اي يجدعان معندكوش قلب
ايوة معندناش
_ بتأكد بس طب انا مش بعرف اعوم
اوعا تقول كده هتبقي حدوتة المعسكر
_ امال اعمل اييي
نط وسيب الميا ترفعك
_ الكلام دا تقولهولي في الساحل مش هنا
طب تعالي نطلع متجبلناش الكلام
طلعنا ووقفنا عما يجي دورنا _ هي فترة صغيرة اه بس تشرفت بيك يباشا قول امي اني كنت بحبها
يخربيت الدراما
_ واني مكنتش اقصد اعمل اي حاجه من دي مراهقة بقي وبت طايشة
بت مين
_ يعم متركز في الي احنا فيه
طب يلا اسمك بتنده
_ هو انا لي دايما اسمي بتنده في الاول
ايوة مستقصدينك انجز
وقفت قدام القائد بتعرف تعوم
_ لا ياااا فندممم
علي خير الله زقوه
اتزقيت ووقعت في الميا سمعت كلامه وسيبت نفسي عشان الميا ترفعني كنت هغرق لولا ستر ربنا ربنا ينتقم منكم رجالة غدارة ملهاش امان
ضحك كنت في الميا شبه الديك الرومي
عطست _ طب بس بقي عشان حاسس اني هيجيلي دور برد
حاسس بالشفا يحبيب اخوك
انت علي المطبخ وريني الهمة
قلبي معاك والله
_ انا الوحيد الي بيحصله مشاكل هنا
اجمد كده انت هتعيط ولا اييي!
_ متيجي تساعدني وخليك جدع
الطبخ مليش فيه ويلا عشان جعان والله ما قادر
روحت المطبخ لقيت حلة كبيرة اوي وتحتها بوتوجاز
_ انا هطبخ ل كام واحد
للعنبر كله
_ طب اغلي نفسي في الميا السخنة ولا اعملكم في نفسي ايييي
كان الغدا شوربة عدس لاء بس احلي حاجه في المعسكر إن اكله متجدد ما شاء الله فوني رن كان
عبدالله!
روحت مكان بعيد ورديت
_ ايوة يعبدالله خير
خير اييي مش تطمنيني عملتي اييي
_ اه روحت المعسكر ولغيت التطوع بتاعك ولبست انا
بتقولي حاجه
_لغيت التطوع بقولك
الحمد لله بجد ازاي كنت اروح معسكر زي دا متخيلة إن بشرتي كانت هتسمر
نفخت وانا بقفل عيني بنفاذ صبر
_ اه منتا مش واخد علي الشقا
خالص يبيبي
_ تصدق يعبدالله عمي كان عنده حق يبعت اسمك المعسكر كان عاوز يربيك بس انت كالعادة اتهربت من المسؤولية
