اميره القصر المجهول بقلم اسماعيل موسى

بعد ما  طلعت فوق سطح القصر الساعه كانت ٨ باليل وكانت عارفه ان ادم فى القصر وانه لسه فيه تقريبا ساعتين قبل ما قطيع الذئاب يهاجم القصر وفكرت انى ممكن الاقى  التميمه لو بحثت عنها

نزلت من القصر وفتحت الباب وخرجت كان معايا كشاف ومسډس
من أجل الحمايه وخدت الطريق إلى مشيت فيه قبل كده

الطريق كان ضلمه رغم كده واصلت المشي لحد ما بعدت عن القصر
لحد ما انتهى كل أثر للاقدام فى الدرب بين الأشجار

قلت فى نفسي انتى خايبه جدا يا دارين وقررت ارجع للقصر قبل ما تحصل مصېبه
وسمعت صوت بيقول بتدورى على دى؟

وظهرت فى نور الكشاف التميمه فى ايد شاب شديد الجمال كل حاجه فيه أنيقه وجميله

انت مين سألته؟

ضحك، قال انتى عايزه التميمه؟

قلت ايوه لكن انت مين؟

لو عايزه التميمه تعالى ورايا

بصيت فى الطريق إلى مشي منه وبصيت ناحية القصر

اسمع انا لازم ارجع القصر انت مش عارف حاجه فيه قطيع ذئاب
بيهاجم القصر كل ليله وانا لازم اكون هناك

ظهر تانى الشاب بعد ما كان اختفى بين أشجار الغابه والتميمه فى ايده

قرب منى اووى ومد ايده بالتميمه انا هديكى التميمه لكن تأكدى انك مش هتحتاجيها
وشفت شكله، الخالق الناطق ادم لكن دا أجمل منه شويه مش متأكده

شفت ابتسامه على وشه ساب التميمه تقع على الأرض وقال متلقيش هنتقابل تانى، متقوليش لاى شخص انك شفتينى واختفى

خدت التميمه، رجعت جرى على القصر، الباب كان مفتوح دخلت وقفلت الباب ورايا

وجريت على سطح القصر استعد للهجوم

لكن مفيش حاجه حصلت، الليل كله مر من غير ما يظهر اى شيء أو اسمع اى صوت ولا حتى حركه

                 الفصل التاسع من هنا

حسيت جسمى كله مكسر، نمت كالعاده على الكرسى من غير ما أشعر وجسمى كان متلج

والكونت أدم مظهرش طول الليله؟  هو قال انه مش هيظهر لكن انا كنت متوقعه انه يعمل مفاجأه ويمسى عليه بفنجان قهوه مثلآ؟
ونقعد جنب بعض نبص للقمر ونراقب الغابه ونضحك مع بعض ويمكن يمسك ايدى وانا ابصله بعتاب وڠضب فيسيب ادم  ايدى بخجل وكسوف وا

دارين اصحى يا ماما؟ وهمس صوت الضمير المستيقظ  داخلى كأنه استكتر على شوية احلام!!

مطيت جسمى أكتر من مره ووجهى ينبعج مع كل حركه لما بتمطع قدام المرايه بحس نفسى اشكيف

_____سمعت صوت معدن سقط على الأرض، بصيت، شفتها، ياه انا كنت نسيت التميمه خالص؟ 

___الباب كان مفتوح وشفته نايم على السرير
انت يا كونت؟ قربت منه وضړبته  فى كتفه، اصحى ياباشا انت نايم لغاية دلوقتى وسايبنى صاحيه الليل كله احرس القصر؟
نص جسمه كان عريان زى العاده وكانت كل الچروح أختفت منه
المدهش ان فيه تميمه كانت متدليه من عنقه

الكونت فتح عنيه بكسل، اول ما شافنى ضحك، ابتسامه زى ريحة الورد البلدى
دارين؟ قال الكونت  وعنيه مبرقه  كأنه اول مره يشوفنى او ينطق أسمى!

ايه يا كونت هو احنا هنتعرف من جديد؟ ولا انت بتحاول تدارى عن عملتك؟

رفع الكونت نص جسمه وبانت عضلات صدره وذراعيه الرهيبه وظل يحدق بعينى
عينان متسعتان حتى رأيت نفسى بينهم كأنى وردة وسط الخضره
وكان فيه شيء غريب فى نظراته اول مره الاحظه نظراته المواربه التى تتفحص جسدى

حسيت نفسى رهينة عنيه وحاولت اخرج من التنويم المغناطيسى إلى حصلى

نهضت فى مكانى وقلت على فكره انا مش ممكن اصفح عن الموقف بتاع امبارح من غير عقاپ

وقال الكونت بضحك عايزه ايه؟

قلت تحضرلى الفطار وتعملى قهوه وتلحقنى على الجنينه عايزه افطر أمام البحيره

الكونت معترضش، مقلش دا خطړ وأبواب القصر لازم تظل مغلقه والكلام دا كله

قال يلا، خدى معاكى كرسين وانا جاى وراكى

معقوله هفطر خارج القصر فى الطبيعه الجميله قدام البحيره والاكل من ايد ادم كمان؟

سحبت كرسين ومنضده وقربتهم من البحيره مفيش دقايق
والكونت جاب الفطار على صنيه جنبه القهوه والفناجين

قلتله انت سريع جدا على فكره يا كونت، ورد الكونت دى اقل حاجه عندى
وخيل لى ان سمعت ضحكه داخل الغابه قريبه مننا

الكونت تحرك من مكانه مشي لحد ما قرب من حيز أشجار الغابه وقف لحظه ورجع تانى بعدها مسمعتش غير صوت العصافير

واكلنا فطارنا واحنا بنتفرج على الاوز والبط والطيور إلى بتسبح فى البحيره
باكو كان بعيد عنى ورغم انى طلبت منه اكتر من مره يقرب كان بيرفض ويختفى داخل القصر

قلتله حلوه التميمه دى يا كونت انا كنت فاكراك ضيعتها وقبل ما اكمل كلامى 
الكونت قال وهو بيمشي ايده على التميمه لقيتها متخفيش

فجأه وقف ادم ونزع قميصه وجرى قفز داخل مياه البحيره، فزعت الأوزات والبطات وقعد يسبح بسعاده
وانا بسأل نفسى ايه الى غير حاله كده فجأه؟ لسه امبارح كان مكتأب وعنده يأس وحزن فجأه اتغير كده؟

دارين تحبى نرقص؟

اشكرك سيد ادم انا مش من هواة الرقص وبحب ارقص فى اوقات معينه

يعنى الشمس والخضره والبحيره كل دا مش مناسب بالنسبه ليكى؟
ولا انتى مش بتعرفى ترقصى؟

وسمعت نفس الضحكه مره تانيه زى ما يكون حد بيراقبنا من بعيد
الكونت حبط الميه يايده وزعق كأنه بيكلم نفسه وبعدين بقا؟