خطيبك مخلف و عنده ولد
كل كلمة مني
الحقيقة وجعته وقسمت قلبه نصين
كان باين كسرته في عنيه
لكن مقدرش ينطق ولا حرف
_ انا مستحيل في يوم ارجعلك للأسف خسرتني للأبد
لكن لسه في ادم عوضه عن السنين اللي فاتت دي
انكلم بضعف
_ بس انا بحبك
الكلمة وجعتني مكنتش عايزاه يقولها وخصوصا بالطريقة دي
ازاي قدر بكلمه واحدة يهزني بالشكل دا
_ لو بتحبني بجد ابعد عني و متفتحش الموضوع دا تاني
ارجوك يا فريد لو بتحبني سيبني في حالي
ابعد عني عشان خاطري... ابعد
قربك بيأذيني كفاية اذى يا فريد ابوس ايدك كفاية اذى
ابتسم من وسط دموعه
_ وعد... وعد مش هقربلك تاني
هبعد يا حياة و مش هتعرضلك مرة تانيه
بس بتمنى
لفيت وشي الناحيه التانية وانا بحاول امسك دموعي قدامه
_ انا اسف
قالها وباس راسي و مشي
حركته دي قتلتني اكتر
كان نفسي اجري عليه احضنه واقوله متمشيش
ليه كل دا حصل بس.... ليه!
أخيرا سمحت لدموعي تنزل مكنتش عايزة ابان ضعيفة قدامه
عيطت كتير لدرجة حسيت إني هستفرغ قلبي
شافني وقتها سامر اللي جري عليا پخوف
_حياااة... حياة في ايه
طيب طيب اهدي... اتنفسي براحه حاولي تنظمي نفسك معايا
يلا... يلا شهيق.... زفير... شهيق..... زفير
حااولت اعمل زي ما بيقولي كان الموضوع صعب في الاول
_ ثواني هجبلك ماية
جري بسرعه وجه في ايده ازازة ماية و عصير
فتحلي الازازاة و رفعهالي يشربني
_ اشربي براحه يلا
بعدها كب شوية ماية على ايده و مسحلي وشي
كل دا و انا قاعدة مكاني برتعش
_ احسن
هزيت راسي ب ايوا
_اي اللي حصل و صلك للحالة دي
مردتش عليه
_ في حد ضايقك طيب هنا... لو حد عملك حاجة قوليلي وانا هجبلك حقك دلوقتي
مسكت شنطتي و وقفت
_طيب استني انا هوصلك
_ مفيش داعي
_ مينفعش تمشي لوحدك في الحالة دي.... يلا هوصلك
مرضتش اتجادل معاه مكنش عندي طاقة اصلا
فضلنا طول الطريق ساكتين لحد ما قطع الصمت دا
رنة موبايلي
_الو يابابا
_ ايه يا حبيبتي عامله ايه
_ الحمدلله انا عشر دقايق و هكون في البيت
_ ادهالي يابابا
_ الو يا مامي وحشتيني
_ وانتي كمان يروحي وحشتيني انا شويه وهكون عندك اهو
_ اوكيه يا مامي بااي
_ باي يا عيوني
اتكلم سامر بإبتسامه
_ المكالمة دي غيرت مزاجك في ثانية
ابتسمت
_ ايوا دي أيلا بنتي
رد بدهشة
_بنتك
فجأة فرمل بالعربية مرة واحدة بعد ماكنا هنخبط
_ حاسب
_ اسف.... هو انتي متجوزه
_ لا... مطلقة وعندي طفلين
كان هيخبط مرة تانيه لكن ربنا سترها
_ هو انت مش بتعرف تتكلم وانت سايق
_ هااا... اه لا اسف
_ و انت معاك اطفال ايه اكيد اتجوزت صح
_ لا انا متجوزتش لسه
_ معقول كل دا ليه
اتكلم بهمس
_ عشان مكنتيش موجوده
_ مسمعتش
