روايه حب تانى كامله
رؤوف بسعادة طبعا يا كامل تنوروا في اي وقت.
كامل تمام بكره ان شاء الله الساعة خمسه هنكون عند حضرتك.
سميحة بصت ل كامل پصدمة وهو قفل المكالمة وبص ل والدته وقال بعصبيه وكل جسمه كان بينتفض من شدة الڠضب بكره هنروح نخطب مها.. وعرفيها انها هتيجي معانا.
بصتله سميحة پصدمة اعرف مين
رد كامل الهانم اللي عايزاني اقعد مع عريسها الجديد.. هتيجي معانا بكره وتشوفني بعينيها وانا بخطب غيرها عشان تعرف حدودها معايا.
رد بعصبيه هتيجي يا امي.. لازم تيجي وقبل ما تفكر تكسرني وتذلني عشان حبيتها انا اللي هسبقها واعمل فيها كده.
سميحة قربت منه وقالت برجاء بلاش يا كامل عشان خاطري.
رد كامل بنفاذ صبر عشان خاطري يا امي لو عايزاني ابقي مرتاح لازم فريدة تيجي معانا بكره وتشوفني بعينيها وانا بخطب مها.
رد كامل بسخريه غاضبه وترفض ليه هي مش زيها زي شهد بالنسبه ليا دلوقتي وعريسها هيجي يخطبها مني!
هزت سميحه راسها بالايجاب وقالت وشهد كمان هتيجي معانا صح
كامل مش مهم اللي يهمني ان فريدة تكون موجودة.
ردت سميحة وهي بتستعد للخروج من غرفته حاضر يا كامل هعمل اللي انت عايزه.
بقلمي ملك إبراهيم.
سميحة خرجت من غرفة كامل وراحت علي غرفة فريدة وخبطت عليها بتردد ومكانتش مقتنعه بلي هي هتعمله وانها لازم تقنع فريدة تروح معاها بس في اللحظة دي هي مفكرتش غير في راحة ابنها وكانت مستعدة تعمل اي حاجة عشان يهدا وحياته تستقر.
فريدة بقلق وهي بتقرب منها وبتحط ايديها على خدها تطمن عليها طنط حضرتك كويسه
ردت سميحة بتعب اه يا حبيبتي كويس بس تقريبا ضغطي عالي شويه.
فريدة بقلق طب نكلم الدكتور
سميحة لا يا حبيبتي انا جايه اتكلم معاكي في موضوع مهم.
بصتلها سميحة وقالت انا علاجي في ايديكي انتي فعلا يا فريدة.
بصتلها فريدة بلهفة هو ايه وانا هجيبه حالا.
سميحة وهي بتمسك ايد فريدة عشان تقعد جنبها اقعدي جنبي هنا وانا هقولك.
قعدت فريدة جنبها وسميحة اتكلمت مرة تانيه طبعا انتي عارفه ان انا اتفقت مع زياد انه يجي يتكلم في موضوعكم رسمي بعد امتحاناتك..
قاطعتها سميحة اسمعيني الاول يا فريدة.. انتي عارفه ان باباكي بقاله سنين مسافر وطول الوقت مشغول وانا وكامل هنا اللي مسؤولين عنك يعني لما زياد او غيره اي حد هيجي يتقدم لخطبتك هيجي ليا انا وكامل لاننا عيلتك واللي مسؤولين عنك هنا صح..
فريدة كانت بتسمعها وهي مشغوله في التفكير بكذبتها على مرات عمها في موضوعها هي وزياد.
فريدة بشرود صح.
سميحة اتكلمت مرة تانيه يعني اللي بقصده اننا عيله واحدة ولازم نقف مع بعض في الفرح والحزن صح يا فريدة
بصتلها فريدة وقالت بحزن صح.. بس انا كنت عايزة اقول لحضرتك...
قاطعتها سميحة مرة تانيه اسمعيني يافريدة.. انتي بالنسبه ليا بنتي زي شهد بالظبط واكتر ومش معني ان خطوبتك انتي وكامل انتهت تبقى علاقتكم انتهت.. في علاقة بينكم لسه اقوي من الخطوبة والجواز.. علاقة ډم وصلة رحم.
فريدة بحزن حضرتك معاكي حق.
سميحة يبقى تسمعيني كويس بقى.. كامل هيروح يخطب مها بكره وطبعا مينفعش يروح من غير عيلته.
فريدة بصتلها پصدمة وقبل ماتنطق كلمة كملت سميحة كلامها وقالت وواجب علينا انا وانتي وشهد نكون معاه في اليوم ده ومنسبوش لوحده.
فريدة مصډومة ومش بتنطق وحاسه ان قلبها هيقف وسميحة مكمله كلامها ومتجاهله مشاعر فريدة لانها شايفه ان فريدة اختارت
