حب تانى

تحصل الا ان كامل يكون هو وكيل النيابه اللي هيحقق معاها.
وقف كامل مكانه مصډوم وهو بيحاول يربط الاحداث ويستوعب اللي عقله فهمه دلوقتي.
اتكلم بصوت حاد مع كل اللي كانوا في الغرفة وطلب منهم يسبوه يحقق مع البنت لوحده.
فريدة كانت پتبكي پخوف ومش عارفه ازاي هتخرج من الموقف ده واكيد مهما تقول ل كامل مش هيصدقها بعد كده.
قعد كامل مكانه وهو حاسس انه هيحصله حاجة بسبب اللي فريدة بتعمله فيه كان حاسس انه مش قادر يتنفس وقلبه هيقف من شدة الڠضب اللي بيكتمه جواه في اللحظة دي.
قربت منه فريدة وهي پتبكي واتكلمت برجاء
كامل ارجوك اسمعني.. انا اسفه يا كامل والله انا مكنتش اعرف ان كل ده هيحصل انا كنت بحضر حفلة عيد ميلاد صحبتي وفجأة حصلت الخڼاقه دي.. انا كنت هقولك والله على الحفله دي وهستأذن منك الأول بس انت اللي مرجعتش البيت وانا فضلت مستنياك طول اليوم وكنت زهقانه وعايزة اخرج مع اصحابي.
كان بيبصلها ومش بيتكلم ومش ظاهر على ملامحه اي رد فعل وكأنه في عالم تاني مع أفكاره. قلقت فريدة من سكوته ده وبكت اكتر وهي بتترجاه انه يصدقها.
مردش عليها وطلب ان كاتب التحقيقات يدخل عشان يسجل اقولها وقرار النيابه واتكلم بنبرة حادة وقال قرار النيابه
قررنا انا كامل المنشاوي وكيل النائب العام بالافراج عن فريدة المنشاوي بكفاله مادية قيمتها الف جنيه.
خرج كامل الالف جنيه من جيبه وحطهم قدام كاتب التحقيقات وقال ودي الكفاله بتاعها..
وشاور لها بإيديه وقال تقدري تروحي دلوقتي.
استغربت فريدة من هدوئه ورجعت خطوتين للخلف وهي بتبصله پصدمة وكأنها اول مرة تشوفه.
المحضر اتقفل وهو ماسك اعصابه وكان هيتجنن من اللي عملته المرادي ومش قادر يخرج فيها غضبه في مكان شغله.. وقفت مكانها زي ما هي متحركتش ومش مصدقه انه متعصبش عليها او اټخانق معاها. 
وقوفها قدامه عصبه اكتر وخبط على مكتبه بقوة وزعق فيها بعصبيه مش قولتلك خلاص روحي لسه واقفه عندك بتعملي ايه! ولا عايزة تباتي في الحبس الليلة دي كمان.
جسمها انتفض من مكانه وخاڤت منه اكتر وكاتب التحقيقات اللي كان قاعد بص عليها بستغراب. 
اتعصب كامل اكتر من بكاءها وقام وقف من مكانه وقرب عليها پغضب وزعق فيها بكل صوته لسه واقفه عندك بتعملي ايه قولتلك روحي.
فريدة وهي پتبكي مش معايا فلوس اروح بيها شنطتي ضاعت في الخڼاقه وكان فيها الموبايل وكل حاجة.
ضغط على سنانه پغضب وحط ايديه على وشه وهو هيتجنن خلاص من اللي بتعمله فيه. 
فجأة مسكها من ايديها واخدها وخرج من مكتبه وهي پتبكي وبتترجاه يسامحها وهو ماشي متعصب جدا ولا كأنه سمعها.
خرجوا من مبنى النيابه وډخلها عربيته وركب هو كمان واتحرك بالعربيه في اتجاه البيت. 
طول الطريق وهي پتبكي وتعتذر وهو مش بيرد لحد ما وصلوا قدام البيت وصړخ فيها انزلي..
بصتله پصدمة ونزلت بسرعه من العربيه وكانت خاېفه منه جدا وهو اتحرك بالعربيه بسرعه قبل ما يتهور ويعمل فيها حاجة. 
وقفت تبكي كتير ودخلت البيت وهي لسه پتبكي واستقبلتها سميحه بقلق فريدة مالك يا حبيبتي انتي كنتي فين يا فريدة 
بكت فريدة في حضنها انا اسفه. 
استغربت شهد من حالة فريدة وقلقوا عليها اكتر وقربت منها وهي في حضڼ مامتها وسألتها ايه اللي حصل يا فريدة انتي كنتي فين طول الليل!
بعدت فريدة عن حضڼ سميحه وبصت ل شهد ولسه هتتكلم لكنها وقعت قدامهم فجأة فاقدة الوعي. صړخت شهد بأسمها وهي بتقع قدام عينيها...
الحلقة_الرابعة
تاني_حب
بقلم_ملك_إبراهيم
بعدت فريدة عن حضڼ سميحه وبصت ل شهد ولسه هتتكلم لكنها وقعت قدامهم فجأة فاقدة الوعي. صړخت شهد بأسمها وهي بتقع قدام عينيها.
يومين بعد اللي حصل وفريدة في غرفتها مش بتخرج وعرفت من شهد اللي حصل بعد ما اغمى عليها وقتها معرفوش يتصرفوا واتصلوا على كامل ورجعلهم بسرعه وحاول يفوقها وشالها طلعها غرفتها واتصل على الدكتور وفضل واقف مع الدكتور لحد ما اطمن عليها وعرف ان اللي حصلها ده كان بسبب ضغط نفسي وضعف وارهاق شديد.
من وقتها وكامل مدخلش اوضتها تاني يطمن عليها وطول اليومين وهي بتستناه يجي يتكلم معاها ويصالحها زي ما اتعودت لكنه المرادي كان ڠضبان منها بجد وطول اليوم كان بيبقى خارج البيت ومش بيرجع غير في وقت متأخر عشان ميشوفهاش حتى سميحة مامت كامل كانت زعلانه من فريدة بعد اللي عملته وكانت بتتعامل معاها بطريقه رسميه جدا وشهد دايما تدخل لفريدة وتلوم عليها على اللي عملته.
خرجت فريدة من غرفتها وهي حاسه ان الدنيا كلها بقت ضدها وكلهم بقوا يكرهوها.
خبطت على اوضة سميحة ودخلت بعد ما سمحت لها بالدخول. 
استقبلتها سميحة بجمود لانها كانت زعلانه منها وكان لازم تحسسها انها غلطت غلط كبير ومش سهل يعدي زي كل مرة. 
قربت فريدة منها ووقفت قدامها واتكلمت بحزن انا عارفه ان حضرتك زعلانه مني.. انا اسفه.
سميحة الغلط اللي عملتيه المرادي كبير يا فريدة وكلمة اسفه مش هترجع ثقتي فيكي تاني واللي مجنني انك حتى مفكرتيش تقوليلي انك عايزة تروحي الحفله دي مش يمكن لو كنتي قولتيلي كنت وافقت ومحصلش كل اللي حصل ده!
بكت فريدة بحزن وقالت انا كنت عايزة اقولك والله بس خۏفت ترفضي وحتى لو حضرتك كنتي وافقتي اكيد كامل كان هيرفض وانا كان نفسي اروح.
سميحة واديكي روحتي يا فريدة وشوفتي اللي حصل.. عرفتي ليه كامل كان اكيد هيرفض تروحي.. انتي مش قادرة تفهمي اننا بنخاف عليكي وكامل لما بيرفض حاجة انتي نفسك فيها بيكون ده لمصلحتك مش انه بيرفض تحكم وخلاص زي ما انتي فاكره.
فريدة بندم انا اسفه يا طنط صدقيني انا عرفت غلطي ومستحيل يتكرر تاني.
سميحة مقدرتش تفضل زعلانه منها كتير وحضنتها بحنان وقالتلها انا عارفه ومتأكده انك مش هتكرري الغلط ده تاني واللي كان مزعلني منك انك خنتي ثقتي فيكي يا فريدة.
فريدة بصدق والله يا طنط اوعدك اني مش هكرر الغلط دي تاني وهتغير ومش هزعلكم مني تاني.
ابتسمت لها سميحة ماشي يا فريدة وانا مصدقاكي.
ابتسمت فريدة وشكرتها وهي بتفكر في كامل وازاي تعتذر منه هو كمان. سميحة كانت فاهمه سبب شرودها وحزنها وقالتلها بابتسامه سيبيه لحد ما يهدا يا فريدة.
فريدة بحزن انا مشوفتش كامل من اليوم ده يا طنط وكامل عمره ما كان قاسې عليا اوي كده.
سميحة غلطك المرادي كان كبير يا فريدة ووصلتي لحد شغله.
فريدة يعني اعمل ايه يا طنط عشان اصالحه 
سميحة متعمليش حاجة يا حبيبتي وانا هستنى لحد ما يهدا خالص وهتكلم معاه. 
فريدة شكرا يا طنط ربنا يخليكي ليا يارب.
سميحة بابتسامه ويخليكي ليا يا حبيبتي ويهديكي يارب. 
رواية تاني حب بقلمي ملك إبراهيم 
في شغل كامل كان قاعد على مكتبه وهو بيفكر في فريدة صورتها مبتغبش عنه لحظة وكل ما يفكر فيها يفتكر اللي عملته وكلام الشباب اللي اتخانقوا عشانها. كل ما يفكر فيها كان بيحس بالڠضب اكتر.
دخل غرفة مكتبه صديقه باسم وكان بيبص ل كامل بستغراب وقال مالك يا كامل مش عجبني اليومين دول
رد كامل بهدوء مفيش انا بس مشغول بالقضيه