جاهله ولكن الاخير بقلم منال عباس
تعبت ولازم تروح تستريح فى البيت
نظر له حسين بأسي وقال
حسين شمس دى كانت اختيارى ولازم اتحمل كل العقبات انا حبيتها يا قاسم رغم فارق السن
عارف ان هى مش مناسبه وحاسس بكل اطماعها
بس كان عندى امل تحس بحبي وتغير من نفسها
دلوقتى انا جنبها مش علشانها هى ما تستحقش
انا هنا علشان دا وأشار إلى قلبه وبصوت مكسور
انا منال للاسف اوقات بنحب الشخص الخطأ وبنتعلق بيه جدا ونربط حياتنا بيه ونحس أنه الهواء اللى بنتنفسه بالرغم أن مساوءه كلها واضحة وضوح الشمس بس الحقيقه صدقت المقوله
الحب اعمى
كلنا بنحتاج للحب وللأمان مهما اختلفت الظروف فالحب بينعش القلب ويخلى الإنسان بيعيش شبابه فى كل مراحل عمره
علشان الألم بعد الفراق مؤلم جدا
بعتذر لكلامى دا لو حد حس أنه لمس حاجه جواه بس للاسف كلنا نتشابه فى المشاعر فنحن على حد سواء بشړ
نرجع للروايه
قاسم حاسس بيك يا بابا وبتمنى من كل قلبي ربنا يطمن قلبك ويقدم اللى فيه الخير
شهاب وانت كمان يا صقر روح انت وسارة
بس ما تنساش سلمى محتاجلك زى شمس
شهاب مش هينفع فى الظروف دى
سارة اسمحلى يا دكتور شهاب أتدخل اوقات بنأجل حاجات فى حياتنا بحجة الظروف وبنندم عليها سنين الرجاء لو فى ايديك تساعد سلمى ساعدها
قاسم يلا بينا كلنا واحنا اخواتك يا شهاب وهنفضل أصحاب حتى شمس وافعالها ما فرقتش بينا يلا انا وصقر هنكون الشهود
تمارا وسارة يلا يا ابنى ولا نقولك يا عريس
ابتسم شهاب فرغم مرارة ما يمر به إلا أن الله رحيم يرزقه اصدقاء تكون له العوض عن كل شئ بقلم منال عباس
يستقل الاصدقاء سيارتهم للذهاب الى سلمى
عند شاكر
يتصل على قاسم ويعلم كل ما وصلت إليه شمس
شاكر ربنا يستر ويعديها على خير
حاول يا قاسم لما تخلصوا تيجى انت وتمارا
قاسم حد مين انا مش فاهم
شاكر لما تيجى هتعرف كل حاجه واغلق الهاتف
قاسم يا ترى مين !!
وصل الاصدقاء الى منزل سلمى ومعهم المأذون
وطلب صقر من والدته واخته الحضور وتم عقد القران لكلا من شهاب وسلمى
سلمى بفرحه فمنذ أن وقعت عينيها على شهاب فى المستشفى وهى تحس بمشاعر جميله تجاهه
شهاب الله يبارك فى حضرتك يا طنط
عائشه مبروك يا ولاد وعقبالك يا صقر انت وسارة
وعقبالك يا قاسم انت وتمارا
الجميع فى نفس واحد الله يبارك فيكى
لترد وئام اخت صقر وانا مفيش عقبالك
ليضحك الجميع فهى لازلت صغيرة بقلم منال عباس
عند لؤى
يحضر له محامى الشركه المنافسه
عدى معاك يا لؤى عايزك تحكيلى كل حاجه بالتفصيل انا خلاص دفعت ليك الكفالة وهتخرج
بس لسه القضيه مفتوحه وممنوع تسافر اى مكان
لانك على ذمه القضيه
شكره لؤى وأخبره أنه سيذهب له غدا بمكتبه ليقص عليه تفاصيل القضيه لان وراء مشوار مهم جدا يجب إتمامه
عدى تمام
غادر لؤى القسم واخذ تاكسي بسرعه الى سلمى
وصل لؤى ليجد الجميع يلتف حول سلمى
لؤى باستغراب هو فى ايه بيحصل هنا والناس دى عندك ليه يا سلمى وذهب ليمسك يدها بقوة
ليجد يد شهاب تمسك بيده بعيدا عنها
لؤى انت ازاى تعمل كدا وبأى حق وجودك هنا
شهاب اولا لما تحب تتكلم توجه كلامك راجل ل راجل اما بالنسبه لوجودنا وخصوصا انا انا اللى بسألك انت هنا ليه
لؤى شكلك
