وعد اه يا رجلي ياني ياما ...ھموت... منك لله اشوف فيكي يوم يا بعيده

حياتي وقفت ومعرفتش أكمل من غيره ....جاي دلوقتي بكل بساطه يعرض عليا الجواز لمجرد اني ابقی ام لبنته ...دا حتي مقلش اي حاجه تبين انه لسه بيحبني وعاوزني زوجه ليه قبل ما أكون ام لبنته ...هو ازاي فكر بالطريقه دي ..ازاي يا ميار ازاي
ميار بحزن ضمتها ليها وحاولت تهديها أهدي يا وعد عشان خاطري بطلي عياط 
وعد لسه بټعيط انا كل اللي وجعني اني لسه بحبه ويمكن أكتر من الأول كمان ...انا لما شوفته نسيت كل حاجه وكنت هسامحه بس دا مفكرش يعتذر ولا يبرر اللي حصل زمان يعني لو بنته مكنتش اتعلقت بيا اوي هو مكنش فكر اصلا يرجعلي 

ميار لا يا وعد انا حاسه انه هو كمان لسه بيحبك واكيد كان عنده مبرر قوي زمان عشان يسيبك بالطريقه دي ومعتقدش ان تعلق بنته بيكي هو سبب عرضه الجواز عليكي لو كان كدا كان ممكن ارتبط بأي واحده تانيه لمجرد انها تبقی ام لبنته وبس هو اكيد لسه بيحبك وعاوزك دي كفايه انه مسمي بنته ع اسمك دا دليل انه لسه فكرك وبيحبك 
وعد بأمل تفتكري طب ليه مقلش كدا 
ميار هو انتي اديتي ليه فرصه انتي رفضتي من غير اي مقدمات 
وعد بكت تاني وهو كمان طلب من غير اي مقدمات 
ميار أكيد مكنش مفكر انك هترفضيه بالطريقه دي
وعد يعني خلاص كدا مش هشوفه تاني ولا هشوف وعد انا حبتها أوي يا ميار واعتبرتها بنتي بجد 
ميار والله ما عارفه اقولك اي بس انتي حتي ما اخدتيش فرصه تفكري 
وعد كنت عاوزه اوجعه يا ميار زي ما وجعني زمان بس مفتكرتش في كل دا 
ميار طب خلاص أهدي بقا وقومي اغلسي وشك وان شاء الله خير ويمكن حاجه تحصل تخليكوا تتقابلوا تاني 
وعد هزت دماغها وقامت غسلت وشها ودخلت نامت 
عدا يومين وعد فضلت حابسه نفسها في اوضتها ومش بتطلع منها 
وعند مازن وعد الصغيره ع طول بټعيط وعاوزه تروح لمامي وعد ومازن ډفن نفسه في شغله كالعاده الشغل هو الحاجه الوحيده اللي بتخليه ينسی ۏجع قلبه لما شافها بعد كل سنين الفراق اللي عدت كان عنده أمل انهم يبدوا من جديد وانها ممكن ترجع لحياته من جديد مكنش متخيل ان ردها هيكون بالقسۏه دي عليه طب كانت حتي سامحته عشان بنته اللي اتعلقت بيها اوي كدا وطول الوقت بټعيط عشان تروحلها دا حتي مفكرتش تسأل عليها ووعد عمرها ما كانت كدا وعد طول عمرها قلبها طيب وبتسامح ليه المره دي مسامحتش ليه قسيت كدا وبعدت طب يا ريت ترجع لحياته حتي ولو هيفضلوا اصدقاء وبس ومن غير حاجه بس يرجع يشوفها تاني بس يا تري فعلا هيشوفها تاني ولا خلصت الحكايه ع كدا 
ميار دخلت علي وعد اوضتها ممكن اعرف هتفضلي حابسه نفسك كدا لحد امتي 
وعد بحزن دودي وحشتني 
ميار ابتسمت تصدقي فعلا وحشتني انا كمان كانت ماليه علينا البيت بلعبها وشقاوتها ...المهم بقا شبح الكأبه دا هيسيبك ويمشي أمتي 
وعد مش عارفه 
ميار لا يا حبيبتي فوقي معايا كدا انا واحده داخله ع جواز وبلاوي زرقه فخليكي معايا عاوزين ننجز الفرح الاسبوع الجاي وعاوزين نروح للبيوتي سنتر 
وعد مش عارفه اللي بيمشي في عروقك دا ډم ولا مايه ساقعه ...لا بجد قوليلي مش شايفه الحاله النفسيه اللي انا فيها فايقه انا اروح بيوتي سنتر ونيله 
ميار معلش تعالي ع نفسك عشان خاطر اختك الوحيده ومرددلك ان شاء الله لما تتجوزي هاجي معاكي البيوتي سنتر لا تقلقي 
وعد ثبتيني كدا يعني 
ميار اه ولا يلا انجزي عشان الفستان بتاعك عاوز يتظبط شويه انتي ناسيه ولا اي 
وعد انا فعلا عندك حق كنت نسيت والله
ميار طب شوفتي يلا بينا بقا وانتي هتفكي بإذن الله وهتبقي تمام اسمعي مني 
وعد ماشي هو انا هخلص منك النهارده أما أقوم وامري لله 
الاسبوع عدا وجه يوم فرح ميار وعد كانت فرحانه جدا عشان اختها بس من جواها حزينه قلبها موجوع خلاص ميار هتتجوز وهي هتكمل حياتها لوحدها وكأن الوحده مكتوبه عليها وعد الصغيره وحشتها جدا ومازن كمان مفكرش يسأل عليها ولا يجيب وعد الفرح مع انه عارف معاده وعد كانت قالته عليه وكمان كانت