العنيد الجزء الأول الكاتبة الشيماء محمد
انت في الصفحة 6 من 6 صفحات
انت يا ادهم بتسلم اشمعني انت
ادهم يا ابني انا ليا كارزما خاصه وبعدين المفروض تحمدوا ربنا ان مراتتكم رضيوا يبصولكم... هي دي اشكال دي
محمد واكرم طلعوا يجروا وراه وجري وراهم علاء من غير ما يفهم بيجروا ليه ومره واحده حضنوا بعض الاربعه وبيهيصوا ويرقصوا والكل مبسوط
ادهم كان بره القاعه وداخل مصطفي شاورله وهو معدي من جنبهم علشان يسلم علي ابوه وامه
مصطفي سياده المقدم والدي ووالدتي
العنيد الجزء الأول
الفصل 9
ليلي مش مصدقه ان ادهم ماټ بين ايديها
هنا ابوها وامها دخلوا عليها وهيا بتنادي عليه
ادهم مش بيرد ولا بيتحرك واتصدموا هما الاتنين لان دي اول مره يشوفوا منظر كده
عم محمد ليلي فوقي... انتي دكتوره... انعشيه... نشطي قلبه اعملي اي حاجه... انتي مش مجرد بنت انتي دكتوره ولو علمك مش هيفيدك في ظرف زي ده يبقي قلته احسن انعشيه
ليلي فعلا لازم تفوقه لازم تعمل اي حاجه
قعدت فوقه وبدأت تنعش قلبه تاني وتعمل تنفس صناعي ودموعها نازله ڠصب عنها
مصطفي دخل يجري الاسعاف علي وصول
اول ما شاف ليلي بتنعشه تنح وواقف مصډوم
ليلي بتعمله تنفس صناعي وتضغط علي قلبه وادهم مش مستجيب نهائي
مره واتنين وتلاته وبرضه قلبه واقف
دكتور الاسعاف خلاص انتهي
ليلي بتبصله باستغراب ايه اللي انتهي مفيش حاجه انتهت
ليلي رمت جهاز الصدمات وبتعمل بايديها تاني
ليلي قوم مش هسمحلك ټموت دلوقتي فاهم مش ھتموت ببن ايديا
ليلي مش عارفه تعمل ايه فبدأت تضربه في صدره بغيظ وڠضب وحب
ليلي قووووووم
هنا ادهم كح وبيتنفس بالعافيه وفتح عينه وما شافش غير عنين ليلي متعلقه بيه
بتوع الاسعاف حطوله جهاز تنفس وشالوه وهيا معاه ايديها علي صدره علشان الڼزيف
دكتور امين ليلي غيري هدومك بسرعه و طةعايزك معايا ____ ليلي
ليلي اسفه مش هقدر... اسفه
امين بصلها بصه طويله وسكت لانه لمح حب وخوف في عنيها وسابها ودخل عملياته
ليلي بره مع اهلها بتدعي بصمت انه يخرج
اخيرا خرج من العمليات عند الفجر
امين الحمد لله قدرنا نسيطر علي الڼزيف بس قلبه وقف تاني مننا فالله اعلم مقدار الضرر هيكون ايه دكتوره ليلي هتقدري تتابعيه ولا اشوف غيرك
العنيد الجزء الأول
الفصل 10
ناديه يدوب هتقول لجوزها اللي بيحصل الباب اتفتح وليلي دخلت
ليلي ساكته قاست لابوها الضغط وكان عالي شويه وعطته العلاج بتاعه وسابتهم ودخلت تنام
امها وراها عايزه تعرف ليه جت بدري ومالها
ناديه ايه اللي حصل ومالك ضاړبه بوز ليه
ليلي مجاوبتش امها بس فضلت ټعيط في حضنها
ليلي ما بيحبنيش يا ماما
وفضلت ټعيط كتير وابوها كان هيدخل يطمن بس سمعها بټعيط فسابهم لوحدهم مع بعض
بعد ما ناديه خرجت جوزها كان مستنيها
عم محمد بنتك مالها وايه اللي قلب كيانها كده طول عمرها رافعه راسها فوق وبتبص للناس من فوق ايه اللي جرالها
مراته ساكته ومش عارفه تقوله ايه
عم محمد بتحبه صح ده اللي كنت خاېف منه
ناديه لا ما تخافش هو مش عايز حبها ده ولا عايزها اصلا
عم محمد طيب الحمدلله انها جت منه لانه لو اخر راجل عمري ما هوافق عليه ابدا
ناديه ليه ماله عيبه ايه
عم محمد انتي شايفه ايه فيه اصلا انتي ولا هيا امور حبتين ايه اللي عدل فيه عايزه تجوزي بنتك لواحد كل يوم بينام مع واحده ترضيها دي لبنتك لراجل بيسكر لحد ما يوقع من طوله
تأمني علي بنتك معاه ازاي
ناديه هو بيعمل كده من وحدته لو عنده عيله
قاطعها هيعمل ايه هيبطل ستات وشرب تضمني منين ومين يضمنهولك مستعدي تخاطري بحياه بنتك في مره سکړان ضربها ولا قټلها تعملي ايه تجيبي حقك منين واديكي شوفتي اهوه قتل الراجل وخنقه وكل رجالته قالو دفاع عن النفس ومحدش قاله كلمه وفي الاخر اعتذروله عارفه ليه لانه قاټل.... كل ما يحتاجوا ېقتلو حد يبعتوه... بېقتل بدم بارد... والنوعيه دي قليله قوي فمتمسكين بيه ويوم ما يحب يسيب شغله ېقتلوه هو....
ناديه انت مين قالك كل ده
عم محمد ابنك وفي المحكمه قالوله مش هتسيبنا علي رجليك ابدا لانك خطېر... يعني حتي لو كويس وحتي لو هيبطل كل حاجه وحشه يغور بشغله ده... ده انا نفسي ابعد مصطفي تقومي تدخلي ليلي معاه
اعقلي وعقلي بنتك
ناديه ريح بالك هو طردها اصلا
عم محمد طردها منين قولي انطقي
ناديه اتوترت من حالته... مش هيا كانت الدكتورة بتاعته طردها وقالها مش عايزك وسابلها المستشفي كلها علشان ما يشوفهاش
عم محمد وعلشان كده كانت ما بتفارقش المستشفي واول ما مشي رجعت البيت... يارب انت بايدك كل الخير ابعد عنها الشړ وارزقها ديما بالخير
ادهم بيحاول كل شويه يقنع نفسه انه احسن وهيا بعيد وانها مش وحشاه ابدا ابدا
بس كل كلمه نطقتها... كل حركه عملتها... شكلها يوم الفرح مش فارقه... وشها.. ابتسامتها... شعرها...
عايز يفكر في ماضيه علشان يتدخل ويبعدها من ذكرياته بس للاسف هيا بتطرد ذكريات ماضيه
