روايه للكاتبه وفاء محمد

لها علي كل حاجة وإزاي ماټت حلا وإزاي هو أستسلم للمۏت
مي قصة حزينة أوي طب قررتوا تعملوا إيه 
ريم أوي أنا من وقتها وأنا مش قادرة أتمالك نفسي أحمد هيحاول يفتح القضية تاني 
مي بس انتوا عارفين أنكوا محتاجين دليل مش كل الناس بتصدق في موضوع الأرواح ده
ريم أيوة عارفين ربنا يستر بقي 
مي خير يا قلبي ربنا دايما مع الحق 
والحقيقة بتبان مهما طال الوقت 
علي العموم أنا جاية يوم الخميس يارب أقدر أساعدك بأي حاجة 
ريم تمام يا قلبي تيجي بالسلامة يارب
أمير كنتي بتكلمي مين 
ريم بخضة إيه خضتني بعد كده أبقي أدي أي إشارة طيب 
أمير مكنتش أقصد 
ريم ولا يهمك كنت بكلم مي 
أمير مي مين 
ريم مي دي صاحبتي بتحب الروحانيات وبتحضر ماجستير في علم الأرواح 
هي اللي قالتلي إزاي أقدر أتكلم معاك وأعرف أنت هنا ليه 
أمير تمام فهمت أحمد وصل لإيه
ريم مش عارفة بس أنا قولتله يبقي يطمني عمل إيه 
أكيد لما يوصل لحاجة هيعرفني
بس أنا خاېفة النائب العام ميفتحش القضية 
أمير أكيد هيفتحها لازم الحق يبان
ريم يارب أنا أسفة علي اللي حصلكم من قلبي والله
قعدت تتكلم كتير مخدتش باله إنه مش موجود أصلا
لسه بتقوله مبتردش ليه ملقيتهوش
يوووه بقي بيظهر مرة واحدة وبيختفي مرة واحدة
هههه ما أكيد يا هبلة أنتي مش روح
عند عادل في البيت
علي إزاي يا عادل بيه عايزني أصدق الكلام ده 
عادل زي ما بقولك كده شوفته ولقيت اسمه علي التليفون 
علي مهو يا أما كنت شارب يا أما كنت بتحلم بيه 
إزاي أصدق إن الشخص اللي حرقته بأيدي وأنت دفنت جثته موجود 
عادل مش يمكن روحه
علي بضحكة سخرية ههههههااااااااء روحه طب عن إذنك يا عادل بيه شكلك تعبان دلوقتي أنا بقول ترتاح يومين
مش عارف إزاي أفهمه أن كل اللي قولته حصل
كان بيراقبهم من بعيد بأبتسامة خبث مش مصدق صح هخليك تصدق
في عربيته
والله شكله أتجنن ولا خرف علي كبر باين
ظهر فجأة قدام عربيته
حاول يبعد عنه خبط في عمود وخبط رأسه جامد
اااه إيه ده ډم 
هو يوم باين من أوله 
لقاه قدامه وعيونه حمرا وفيها ڠضب شديد 
إيه ده ده 
أنت عا عا....عايش
أمير عايش إزاي وأنت حرقتني بأيدك
علي أومال..أومال أنت إيه 
أمير أنا عذرائيل بالنسبالك.....
بقلم وفاء محمد
رواية أنتقام عاشق
الفصل الثامن
في مكتب النائب العام
أحمد أذنيك يا حاتم باشا إيه الأخبار 
حاتم الحمد لله يا أحمد أنت عامل إيه هاه خير في حاجة ولا إيه 
أحمد لا خير يا باشا هو كان في قضية كنت حابب أعرف حصل فيها إيه عشان كنت حابب أفتحها تاني 
حاتم قضية إيه دي أنت عارف يا أحمد أنه لازم يكون في سبب أو دليل 
أحمد أنا عارف طبعا 
حاتم مقولتش قضية إيه 
أحمد قضية حړق بيت أمير عزام ومۏته هو والسكرتيرة بتاعته
حاتم أيوة أنا فاكر القضية دي
أنت عايز تفتحها تاني ليه
أحمد لأنه كان بفعل فاعل وأنا عايز أثبت ده 
حاتم وأنت إيه دخلك في الموضوع وعرفت منين 
أحمد عرفت منين دي حاجة محدش يصدقها لكن أنا ساكن في بيت أمير عزام اللي أتحرق 
حاتم إزاي محدش يصدقها احكيلي ممكن أفهم 
أحمد صدقني يا باشا هييجي الوقت اللي أعرفك كل حاجة بس ممكن أعرف تفاصيل القضية
حاتم ماشي يا أحمد أنت عارف لولا أنك محامي شاطر مكنتش ساعدتك عدي عليا بكره هجهزلك الملف
أحمد متشكر جدا يا حاتم باشا عن إذنك 
حاتم مع السلامة
في البيت
ريم هاه يا أحمد عملت إيه ومكلمتنيش ليه زي ما قولتلك
أحمد براحة عليا شوية يا ريم أرتاح بس
ريم حاضر معلش بس مستعجلة أعرف حصل إيه 
أحمد محصلش حجات كتير روحت للنائب العام وطلبت ملف القضية 
ريم هاه وبعدين 
أحمد ولا قبلين قالي بكره هيكون موجود 
ريم طيب الحمد لله ربنا يستر
أحمد وهو بيبص حواليه هو هنا ولا إيه 
ريم مش عارفة هو كان هنا الصبح وأختفي فجأة 
أحمد طيب حضري الغدا أنا واقع من الجوع
ريم هههه بس كده عنية يا قلبي
في بيته قاعد خاېف مش عارف اللي حصل معاه ده حقيقي ولا حلم
بيرن التلفون
إسماعيل الو يا عادل بيه شوفت اللي حصل 
عادل بخضة في إيه 
إسماعيل علي عمل حاډثة وعربيتوا ولعت 
عادل بفزع إيه أنت بتقول إيه 
إسماعيل زي ما سمعت كده يا عادل بيه الو....الو

عادل بيه سامعني
عادل أيوة يا اسماعيل سامع....
بيقع التلفون منه من الخۏف 
أمير إيه وصلك الخبر
عادل أن أنت