ادم وندى
المهم لو متضايق من كلامي معاها هبطله
ادم لا طبعا انت ارحم من غيرك علي الاقل مطمن وهيا معاك .. انا هسافر مصر يومين وارجع عندي مشاكل في الشغل وانت خلي بالك منها هنا في غيابي
امجد اوك تمام
ادم مراته عرفت من امجد انه مسافر فطلعتله تجري
ندي انت مسافر القاهره
ادم ايوه
ندي هاجي معاك
ندي لا مش هتعب ارجوك عايزه اغير جو البلد ارجوك وكمان اشوف بابا ارجوك يا ادم دي اول مره اطلب منك حاجه
ادم هروح بعربيتي هتستحملي الطريق
ندي اه
ادم قدامك نص ساعه وهنتحرك اجهزي بسرعه
ندي جريت عليه وباسته في خدته وجريت تجهز وهو فضل واقف مكانه ايده علي خده مكان ما باسته
نزلوا الاتنين مع بعض
امجد ايه ده بقي هتسيبوني هنا لوحدي ولا ايه طيب ادم هاجي معاك
ادم يا الله حاسس انكم اطفال
امجد اديني تلات دقايق
طلع يجري وفعلا دقايق ونزل واتحركوا كلهم وطول الطريق ندي وامجد مش مبطلين رغي وضحك وندي بتتعمد تكلمه بالانجليزي علشان ادم ما يفهمش او تضايقه اكتر او تحسسه انها متفاهمه مع اخوه اكتر منه المهم ان كل كلامها مع امجد بالانجليزي
ادم مش يالا
امجد طلبتلك ساندوتشات اقعد الاول
ادم يالا عايز اوصل بدري اتفضلوا
ندي هادم اللذات يالا
امجد هات اسوق انا شويه وانت ريح
ادم فعلا ركب وري ينام شويه بس ماقدرش ينام وهو شايف مراته منسجمه مع اخوه بالشكل ده لدرجه انه
ادم هنوصل ندي الاول بيت ابوها
قاله عنوانها ووصلوها وبعدها مشيوا الاتنين
امجد ايه مالك
ادم ماليش
امجد لا بجد مالك
امجد انا اسف يا ادم
فضل وقت كتير في مكتبه وسط اجتماعات ولقاءات متأخره شويه وفريده دخلتله كان هو وسالم
فريده ندي بره
ادم ايه ليه
فريده عايزه سالم بيه
ادم اطلعلهابسرعه اتفضل
سالم اكلمها في الطرقه يعني ولا ايه
سالم غامض ليه
ندي ابدا بس ما اتقابلتش معاه ابدا المهم ما تعرفش ادم فين
سالم ليه
ندي عايزه اخرج مع امجد وامجد مش بيرد عليا فقلت اشوفه مع ادم ولا لأ نفسي اعرف انت ليه جوزتني ادم ليه مثلا ما جوزتنيش اخوه
سالم وانتي عايزه اخوه
ندي سكتت كتير راجل جنتل قوي .. دمه خفيف .. يتحب
سالم وادم
ادم مستني اجابتها بترقب ونفاذ صبر
ندي ادم همجي متخلف هيكون ايه يعني ما بيفهمش في اقل الحاجات ...ايوه راجل يعتمد عليه بس
سالم بس ايه
ندي مش عارفه تقول ايه بس خالي من الاحاسيس والمشاعر مش زي باقي البشر معډوم الاحساس محب للسيطره ... المهم يا بابي انا ماشيه ولو ادم كلمك خليه يكلمني
سالم غريبه انك مهتمه برأيه
ندي علشان هو غبي مش اكتر وردود افعاله غبيه وبخاف منه
ندي مشيت وادم خرج بيحاول يداري ضيقه وسالم ما اتكلمش بس
قاله يكلمها ومشي هو كمان
فريده دخلت تمضي ورق ولقته سرحان
فريده مش كفايه بقي اللعبه دي طولت قوي
ادم مش عارف يا ديدا اخرتها ايه اصلا !!المهم عايزه حاجه !
خلصت شغلها معاه وخرجت وهو كلم ندي ووافق انها تخرج مع اخوه والوقت اتأخر بالليل وهما سهرانين بره وهو علي ڼار اخر ما تعب اتصل بأخوه وطلب منه يرجع وهو مستنيهم مع سالم
سالم ادم ركز شويه معايا
ادم انا معاك اهو
سالم حفله بكره لازم تكون موجود فيها
ندي حفله بكره
ندي طبعا مش عجباك . عادي المهم بابي حفله ايه
سالم شغل مش حفله حفله يعني
ندي اهو اي جو وخلاص
ادم انتي عايزه تروحي الحفله دي
ندي لا احنا هنخرج
ادم انتو اللي هما مين
مسكت ايد امجد احنا الاتنين
ادم معلقش بس انسحب بهدوء بعد ما مسي عليهم
امجد انا راجع البلد دلوقتي
ادم وخروجك مع ندي خرجها الاول
امجد ادم انت اخويا الكبير وانا لايمكن ابدا اضايقك وانت حاليا متضايق مني وده مش هسمح بيه ابدا
ادم مسك اخوه من اكتافه الاتنين واتقابلت عنيهم
ادم لو ندي عجباك يا امجد خدها انت عارف العلاقه بينا ايه وبعدين ما تخافش احنا مش متجوزين بالمعني ده
امجد لا يا ادم ابدا مجرد انها شالت اسمك اتلغت من تفكيري انا والله بتعامل معاها كأيتن
