روايه قسوه عاشق

ما يفوق. هيقلب الدنيا علي دماغ الكل وانا اولهم. ارجوكي خلينا نحافظ عليكي لحد ما رعد يفوق.
همس عيطت وبصت لرعد بحزن. وبعدين بصت لعدي
عدي هز راسه بأسف. معلش انا عارف انه صعب عليكي تسبيه. بس ڠصب عننا قومي يا همس قومي معايا
همس قامت وهي كانت لسة ماسكة ايد رعد. واول لما جات تسيبها. رعد ضغط بإيده عليها ومسكها بقوة
همس فتحت عنيها پصدمة وبفرحة. عدي. ررعد مسك ايدي هو ممكن يفوق مش كدة
عدي استغرب. وقرب منه بس لقاه زي ما هو. مش عارف يا همس. المهم دلوقتي انتي لازم تمشي حالا.
ومسك ايد رعد وفكها من ايد همس. واخدها وخرج وهي عنيها علي رعد. اكنه واخدها يدبحها. طيب وليه لا وهي بعدها عنه وفي الوضع ده. هو اكبر چرح ليها. هي كانت خلاص عاهدت نفسها انها متسبهوش وتفضل معاه. لحد لما يفوق ويرجع يطمنها بوجوده. بس القدر والضروف كانت ليها راي تاني. لسة البعد مخلصش

رعد بعد خروج همس عقد حاجبه وقبض قبضة ايده بقوة. زي ما يكون كان متطمن وهي جنبه ومرتاح وابتدت حاواسه ترجع للحياه. لا الانسان اللي بيكون في غيبوبة. اوقات بيحس ويشعر بوجود اللي حاوليه. وكمان علشان يفوق اوقات بيخلوا حد يكون قريب منه وبيحبه يقعد معاه ويتكلم علشان صوته يوصله ويخليه يرجع وكمان اي ريحة مألوفة بالنسبة ليه. بينشروها في المكان علشان ترجعه للحياه. وده اللي حصل مع رعد. وجود همس وكلامها وصوتها اللي دخل علي قلبه قبل ودنه. صحي عقله وكمان ريحتها اللي بيعشقها وقربها منه خلاه. يحارب غيبوبته ويجاهد عقله علشان يفوق ويشوفها. وفتح عنيه وابتدي يبص حاوليه.
برا الاوضة
عدي مروان خلي بالك من همس وهنا. توصلهم وتخلي اتنين رجالة عند باب الشقة وميتنقلوش ابدا. محدش ضامن الظروف ممكن حد يلمحكم. ويراقبكم فاهم يا مروان
مروان متقلقش انا هتابع كل حاجة بنفسي
هنا مسكت ايد عدي. انا خاېفة اوي
عدي شدها لحضنه واتنهد. ماتخفيش. مروان مش هايسيبكم. وانا بس اطمن علي رعد واجيلك بس ڠضب عني. مقدرش اسيبه في الظروف دي.
وخرجها من حضنه بهدوء. وحضن وشها بإيده. خلي بالك من نفسك ومن همس. اتفقنا
هنا هزت راسها. حاضر وانت كمان خلي بالك من نفسك.
عدي ابتسم. ان شاء الله. وباسها من جبينها. يالا علشان تمشوا
ومشيت همس وهنا مع مروان.
سليم بغل خبط الحيطة بإيده. انا مش فاهم حاجة. عيلة دي ولا ماڤيا. ايه الالغاز دي انا عايز اعرف. همس واللي في بطنها. ايه علاقتهم بجد رعد وليه عايز يخطفها.
عدي قعد ومسك راسه بإيده وبص في الارض. ارحمني يا سليم. انا مش ناقص. كفاية اللي انا فيه.
سليم لا انا عايز افهم. لو رعد بينه وبين جده حاجة. همس ډخلها ايه. ليه تروح في الرجلين.
عدي اتنهد. انا هقولك
في شقة هنا
هنا وهمس دخلوا البيت. ومعاهم مروان
مروان انا همشي دلوقتي. وفي اتنين حرس برا علي باب الشقة. هيخلوا بالهم منكم
همس كانت زي المغيبة من وقت ماسابت رعد ومشيت. كانت سراحانة فيه وفي شكله وهو نايم مش بيتحرك. ودخلت علي اوضتها من غير ما تتكلم ولا تنطق
هنا متشكرة جدا يا مروان. بس ربنا يستر ومحدش فيهم يكون شافنا
مروان اتنهد ربنا يستر. انا هغيب شوية وارجع تاني. وزي ما قولت لحضرتك الرجالة برا. موجودين لحمايتكم. ولو حصل اي حاجة رقمي اهو كلميني فورا. عن اذنك
وخرج مروان. وهنا دخلت وقعدت
في اوضة همس
دخلت وطلعت قميص رعد اللي دخل بيه المستشفي واللي كان غرقان بدمه. وهي كانت طلبته من عدي بعد ماخرجت من عند رعد ومن وقتها حضناه ومابتتكلمش. وفضلت حضاغطة عليه بإيديها وپتبكي. ونفسها عدي يكلمها ويقولها رعد فاق نفسها تطمن عليه. وفضلت كدة حضنه قميصة وپتبكي وحطت راسها علي المخدة وهي بتسمع. ريحة الحبايب لعمرو دياب اي حاجة تيجي من ريحة الحبايب. بتطمن قلبي اللي المشغول علي الغايب. كلمتين يتاقلوا منه ولا عنه. يتطمن قلبي اللي مشغول علي اللي غايب.
لسة سامع كل كلمة قالها ليا
لسة شايفه زي مايكون بين ايديا.
اااه يا شوق خليك بقي حنين عليا.
وريحلي قلبي اللي مشغول علي الغايب.
عايشة اشوقنا الوفيه. فيه وفيا. اسأل من بعيد لبعيد يسأل عليا.
ده اللي زيه مش كتير في الدنيا ديا.
ده انا قلبي والله مشتاق لاغلي الحبايب. اي حاجة تيجي من ريحة الحبايب. يطمن قلبي اللي مشغول علي غايب
وفضلت همس في دنيا تانية مش حاسة بأي حاجة ولا اي حد غير حزنها وشوقها لحبيبها اللي كل بيوم بيزيد.
قصاد عمارة عدي وهنا واقفة عربية سوداء وفيها 4 رجال واول لما مروان نزل ومشي. واحد فيهم اتكلم في التليفون
الرجل ايوة يا باشا. نزل خلاص.... تمام هنجبها... تحت امرك ....
في المستشفي
عدي هي دي الحكاية فهمت
سليم يعني هو متجوزها علشان يخلف
عدي هو البعيد غبي. انا مش عارف ان دخلت طب ازي. بقولك بيحبها من قبل موضوع العملية ده اصلا.
سليم طب وبعدين. هو توفيق جد رعد. ده لو خطڤها هيعمل فيها ايه
عدي مسح شعره بضيق. مش عارف. بس مروان قالي انه سمعه يوم حاډثة رعد بيقوله. هتقلك واورثك واخد ولادك. علي اساس انه فاكر ان همس لسة حامل في توأم. محدش يعرف ولا رعد نفسه ان في جنين ماټ.
سليم عدي همس مش لازم تستني عندك في البيت
سليم اومال تروح فين
سليم عندي. انا هخدها اخبيها في بيتي لحد لما رعد يفوق ويخدها
عدي همس وفي بيتك وكمان رعد يخدها. انت اټجننت ولا جري لعقلك ايه
سليم في ايه يا عدي. انا محدش يعرفني. وهتقدر تقعد عندي من غير جدوه ده ما يعرف طريقها. انا بصراحة مش مطمن. هي هنا ظهرت معاك انت وهنا. وممكن يدوروا عليها عندك
عدي يا بني آدم افهم رعد لو عرف انها راحت عندك. وشاف في عنيك حبك وهيمانك اللي مبتعرفش تداريه. المرة دي اضمنلك. ان همس هتكون اما في العناية المركزة. او بقرأ عليها الفاتحة. وانت طبعا معاها
سليم يوووووه. رعد ده ايه مبيتفاهمش. مخه حجر. المفروض وقتها يقدر الموقف
عدي موقف ايه اللي يقدروا. انا لحد النهارة خاېف من ردة فعله لما يعرف ان همس كانت عندي الفترة دي كلها.
سليم واحد غيره يحمد ربنا ان ليه صاحب حافظ علي مراته. وحماها ونجاها من المۏت
عدي المشكلة مش في كل ده. المشكلة اني كنت معاه يوم بيوم. وشايف حيرته وخوفه وقلقه عليها. ومتكلمتش. لان ببساطة مش من حقي. هي مكنتش مستعدة. ده غير انها كانت مصممة. انها مترجعلوش الا لما تروح منها اثار الكدمات والچروح اللي كانت فيها. ماكنتش عايزاه لما يشوفها يتأنب ويلوم نفسه. هي قالت لهنا كدة. وانا مكنتش اقدر اقوله من وراها وهي تتفاجأ
سليم للدرجة دي بتحبه وخاېفة علي احساسه
عدي يا سليم رعد علي قد ما هو قاسې وشديد وغيور. الا انه بيحب همس وبيعشقها. وكان مدلعها فوق ما تتخيل.
سليم اتنهد. ربنا يقومهولها بالسلامة. المهم انها تكون سعيدة ومبسوطة. حتي لو مش معايا
عدي انا هدخل اطمن علي