وعاد من جديد بقلم ايمان شلبي
جدور رقبتي واتكسر يبقي حقي اټصدم ولا لا !
تتنهد تنهيده طويله وساب ايدي وهو بيقولي بهدوء
حقك تتصدمي بس انا كمان من حقي ادافع عن نفسي ومن حقي انك تسمعيني
اتكلم يايونس دافع عن نفسك قول كل اللي تقوله بس متلومش عليا ارجوك متلومش عليا
انا محدش حاسس پالنار اللي جوايا كل ما افتكرها وهي في حضنك ك كل ما...
قاطعني وهو بيسحبني لحضنه وبيبوس راسي برقه
واتنهد بحزن
انا هحكيلك اللي حصل
وبعدني عن حضنه وهو بيبص في عيوني بقوه
والقرار قرارك ياايمان وصدقيني المره دي اي قرار هتقوليه هحترمه وهنفذه
وبلع ريقه وهو بيقول بعتاب
بس عايز افكرك أن اللي بيتكسر مش ممكن يتصلع ابدا
وبعد عني وهو بيحط أيده في جيبه وكأنه بالحضن ده بيوصلي رساله أن لو قررت نبعد هيكون اخر مره احضنه فيها اخر مره اسمع صوته واشم ريحته هتكون اخر مره المسه هيختفي من حياتي وكأنه مكانش موجود من الاساس!
وبصلي بحزن
رجعت عشان احضر البيت لعيد ميلادك قبل ما ترجعي من شغلك
كنت جايب تورته وجاتوه وكنت متفق مع كل صحابك يجوا قبل ما توصلي عشان لما توصلي تتفاجئ
كنت قاعد يحضر حاجات لحد ما يوصلوا ويساعدوني لقيت الباب بيخبط روحت فتحت لقيت ولاء استغربت وجودها مع أن كان لسه بدري جدا
مكنتش عارف اعمل ايه اكرشها ولا اخليها مقدرتش اكرشها أصلها جايه حفله عيد ميلادك عشان تفاجئك معانا عيب اوي لو قولتلها تخرج برا البيت !
استأذنت منها ودخلت الاوضه مكنتش عارف اتصرف كنت عايز اعمل اي حاجه عشان تخرج قبل ما اي حد يوصل ويشوفها موجوده معايا ولوحدها اكيد هيفتكر غلط
بس للاسف مخرجتش بل بالعكس عرضت عليا تساعدني رفضت في البداية لكن مع إصرارها وافقت قولت اهو لو حد وصل تكون حجه مع أني عارف ان وجودها من اساسه غلط
ك كانت واقفه بتعلق بلالين وانا كنت
واقف تحتها مباشره بعمل حاجه تانيه
وقرب مني والدموع بتلمع في عيوني
انا مخونتكيش صدقيني انا بحبك انا مكتفي بيكي عن الدنيا كلها
مكنتش قادره اتخيل ان في حد ممكن يعمل كده معقوله في اصحاب بالحقاره ديه في ناس ممكن تعمل اي حاجه عشان توقع ما بين اتنين بيحبوا بعض !
انا كنت متخيله أن الكلام ده في الخيال بس عمري ما كنت اتخيل اني في الواقع اتحط في نفس الموقف
عمري ما كنت اتخيل ابعد عن الشخص اللي بحبه بسبب شخصيه حقيره قدرت تلعب اللعبه صح بجداره كبيره قدرت توهمني أنه بيخوني عشان ابعد ويفضي ليها الجو
ليه مستكتره عليا اعيش في سلام ليه تبعد قلبين عن بعض عشان ايه عشان هي شخصيه مريضه انانيه عايزه الكل حواليها أو يمكن عشان انا كنت احسن منها في كل حاجه في حياتي وفي دراستي وفي جوازتي يمكن عشان انا اخدت كل حاجه حلوه وهي بغباوتها وانانيتها خسړت كل حاجه الحب والصحاب والاهل عايزه تخرب
