الحقنى ياعمار خير يامرات عمى
اوعدك يا باشا المرة الجاية هبهرك ولا اقولك انا هروح عند يوسف باشا هيفرح اوى لو عرف انى عملت حاجة ممكن تحبسنى
الظابط بضحكة مكتومة حكالى عنك دانا كلمته قبل ما ادخلك واتبسط اوى انك مرحتلهوش ... اتفضلوا
_ انت متعصب ليه كدا ما خلاص اهو خرجت ومفيش حاجة تانية
اطلعى شقتكم يا ريتاج لو سمحتى حابب ابقى لوحدى شوية
عمار بزعيق وانا قولتلك اتفضلى يا ريتاج اطلعى
ريتاج بضيق انت بتزعقلى
عمار اخد نفس عميق وقال ريتاج ارجوكى تجنبا لأى حاجة تحصل بينا بالكلام دلوقتى اطلعى شقتكم وسبينى لانى أعصابى تعبت ومش قادر اتكلم
_ بس أنا مغلطتش يا عمار انا دافعت عن نفسى أنا كنت لأول مرة اخاڤ يا عمار دا مسكنى جامد من دراعى ومصر ياخدنى ما بالك لو اخدنى فعلا ڠصب واهو طلع مريض نفسى وكان ممكن يعمل فيا حاجة وبعدين يقولوا معلهوش حرج لأنه ببساطة مريض نفسى
ريتاج بحزن انا مكنتش اعرف انى مديقاك اوى كدا يا عمار وتعباك معايا
_انت ايه خاېف عليا برضو ولا فى حاجة تانى
ابتسم عمار بخفة وقال وهو بيركب عربيته امشى نامى يا ريتاج وانا هروح لواحد صاحبى اهدى كدا
مشيت وهى بتضحك بخفة وهو ابتسم وقال ولا انا هسيبك يا جلابة المصاېب
دخلت ريتاج اوضتها وحمدت ربها أن مامتها عند فاطمة اترمت على السرير وبصت للسقف بشرود افتكرت كل احداث اليوم اتنهدت بتعب وكانت قايمة بس وقفها صوت وصول رسالة فتحتها بملل وقرأتها عارف ان اليوم كان متعب بالنسبالك بس متزعليش كل حاجة تهون عشانك يا ريتاج وانا هعمل اي حاجة عشان تبقى مرتاحة ومتتعبيش
أما عند عمار رجع متأخر من عند صاحبه دخل اوضته وغير هدومه وكان لسة هينام بس وقفه صوت بباه بينادى عليه
نعم يا بابا
محمد اقعد يا عمار حابب اتكلم معاك شوية
اتنهد محمد وقال حاسك تعبان يا عمار وشايل هم على قلبك
عمار بتوتر ليه حضرتك بتقول كدا انا كويس اهو
محمد عارف يا عمار وانا فى سنك مكنتش بالشخصية دى ابدا كانت شاب طايش بس مش معناه واحد مش محترم لا بالعكس أنا بحاول ابقى قريب من ربنا واهلى وبحب الضحك والهزار ووقت الجد جد ووقت اللعب والهزار هزار بس المسئولية بدرى كبرتنى عن عمرى وغيرتنى تخيل تلاقى نفسك شايل بيت لوحدك وعلى كتافك مسئولية اخواتك ووالدتك .. بس اول ما دخلت حياتى فاطمة قدرت انها ترجع محمد تانى معاها ببقى زى الطفل مع والدته بيضحك ويلعب وبرة بكون محمد كبير العيلة
عمار بحب ربنا يديك طولة العمر ويديمك لينا يا بابا
محمد تسلم يا حبيبى اللى عايز اوصلهولك انك بلاش تضغط على نفسك وتشيل جواك تعالى احكيلى أو احكى لمامتك أو حتى .... احكى لريتاج
عمار بحنق بالله عليك يا بابا ما تجبلى سيرة جلابة المصاېب دى
ضحك محمد بعلو صوته وقال بنبرة خبيثة ليه عملت ايه المرادى
عمار بحنق زى كل مرة بروح اجيبها من القسم
محمد بمكر الا قولى يا عمار هو انت بتساعد ريتاج عشان بنت عمك ومسئولة منك ولا شغلك يحتم عليك تساعدها ... ولا فى احتمال تالت كدا ها
بصله عمار لحظة وبعدها ابتسم بسخرية وقال والله انت يا حج محمد دماغك دى كبرة خالص ودايما قافشنا
محمد بغرور انا بابا يلا ... قوم يلا نام عشان بكرة يوم زحمة وطويل شوية
قام عمار وباس راس والده وقال تصبح على خير يا حج... وربنا يهديك عليا يا حج وتبطل تقفشنى كدا
محمد بضحكة خفيفة هبقى افكر يولا
ربنا يريح بالك وقلبك يابنى انت وجلابة المصاېب التانية دى ..
وفى الصبح كان البيت زحمة وكله اصوات كتيرة.. ودا لانه يوم الجمعة اللى بتجتمع فيه العيلة كلها ..
اجتمعوا على سفرة الفطار فى الصبح بدرى كان الهدوء هو المسيطر على المكان ودا لأن محمد بيحب الفطار يكون
