عاصى وغفران

نظرت غفران الي باقه الورد بانبهار شديد من روعتها اتسعت ابتسامتها الخجله وهي تتلقاها منه فزادتها حسنا فوق حسنها الله يا آسر تجنن ...
طول عمرك ذوق .... ميرسي اوي ...
هتف آسر بزهو بعدما شاهد سعادتها بالورود دي حاجه قليله عليكي اوي يا غفران ....
ومدام الورد عجبك اوي كده ليكي عليا يا ستي يكون عندك بوكيه ورد زي ده كل يوم....
ابتسمت غفران بتهذيب ودعته للجلوس وجلست في مكانها خلف مكتبها ووضعت باقه الورد بجانبها علي المكتب...
تحب تشرب ايه قالتها غفران برقتها المعهوده...
اجابها آسر دون ان يزيح نظراته من عليها اي حاجه علي ذوقك ...ثم تابع بنبره ذات مغذي انا من ايدك دي لايدك دي..!!

فهمت غفران المغذي من كلماته ولكن لم تدع ذلك يظهر علي ملامحها ..
رفعت هاتفها تطلب من مديره مكتبها احضار فنجانين من القهوه ثم اعتدلت في جلستها وتحدثت بنبره جاده ممكن اعرف ايه سبب زيارتك المفاجئة دي...
رسم آسر ابتسامه جذابه علي شفتيه واجابها وهو يسلط نظراته علي ملامحها الرقيقه انا جيت هنا لسببين...الاول علشان ابارك لك علي رجوعك لشغلك .
والتاني علشان عاوزك في شغل مهم ...
قطع حديثهم طرقات علي باب مكتبها تبعها دخول عامل البوفيه يقدم لهم القهوه..
تحدثت غفران بعد انصراف العامل شغل ايه اللي انت عاوزني فيه
ارتشف آسر من فنجان قهوته ثم اجابها شوفي يا ستي طبعا انتي عارفه الفيلا بتاعتي ما انتي شوفتها يوم ما كنتوا معزومين عندي يوم راس السنه...
اجابته غفران مؤكده ايوه طبعا فكراها ..
تابع آسر يضيف باسترسال انا بقي عاوز اغير ديكور الفيلا كلها والجنينيه كمان ...
وبما ان من ضمن مجموعه شركات الچارحي اكبر شركه interior design في البلد فانا مش هلاقي افضل منكم علشان يعمل لي الديكورات بتاعه الفيلا وخصوصا لو كنتي انتي اللي هتشوفي عليها بنفسك...
ابتسمت غفران بمجامله ميرسي اوي يا آسر علي ثقتك دي.. عموما انا هتكلم مع مدير المكتب الفني واخاليه يتواصل معاك ويشوف ايه اللي انت عاوزه وينفذه...
هز آسر راسه نافيا لا .. انا عاوزك انتي اللي تعملي الشغل ده بنفسك .. عاوز احس بلمستك في كل تفصيله في البيت وعاوزه يكون علي ذوقك انتي يا غفران !!!
اطرقت غفران براسها ارضا واحمرت وجنتيها خجلا وحرجا من تلميحاته الصريحه فكانا امام نظراته العاشقه اكثر جمالا وجاذبيه....!!
في نفس الوقت كان عاصي قد وصل الي مقر المجموعه وتوجه علي الفور الي مكتب غفران قبل ان يتوجه الي مكتبه...
وقفت مديره مكتب غفران باحترام فور رؤيتها له...
هتف عاصي يسألها بنبره جامده غفران هانم موجوده 
اجابته مسرعه باحترام ايوه يا فندم موجوده ...
تابع يسالها بنفس النبره الخشنه في حد معاها
اجابته مسرعه ايوه يا فندم آسر بيه الراوي عندها...
هز راسه دون رد وتحرك بخطواته الغاضبه نحو غرفه مكتبها وتحدث وهو يوليها ظهره پغضب مكبوت كاتما غيظه وغيرته التي تنهش قلبه ما تدخليش حد علينا ولا تحولي لها اي تليفونات وابعتي لي القهوه بتاعتي...
وضع يده علي مقبض الباب وقبل ان يفتحه اخترقت كلمات آسر اذنيه فاصابته في مقټل ....
فتح الباب بقوه اجفلتهم وقف لثواني ينقل نظراته بينهم فوقعت عينه علي غفران المحمره خجلا والذي تضاهي حمره وجنتيها نفس حمره الورود امامها!!!
اطلق سبه خافته من بين شفتيه لاعنا آسر في داخله وتقدم للداخل وهو يرمقه بنظراته الحارقه ....
تحدث پغضب مكبوت اهلا آسر بيه !!!
قام آسر واقفا يصافحه ببرود اهلا عاصي باشا...
هوي قلب غفران بين قدميها عندما اخترقتها نظراته الشرسه وعلمت من ملامحه المغلقه انه يحاول التحكم في غضبه ولكنها لن تدعه يرهبها او يخيفها بعد اليوم ....
جلس عاصي في المقعد امامه واضعا قدم فوق الاخري بغرور وخيلاء يليق به ....
تحدث عاصي بجمود خير يا آسر يا تري ايه سبب الزياره الغريبه دي..
اجابه آسر وهو يطالعه ببرود ابدا كنت جاي لغفران في شغل ....
هتف عاصي بنبره خطره قاطعه وهو يتحداه بنظراته مدام غفران ... اسمها مدام غفران الچارحي يا آسر .. يا ريت ما تنساش!!!
رفع آسر حاجبه يناظره ببرود يخفي خلفه غضبه من غرور عاصي وتحكمه ...
تابع عاصي يساله بنفس النبره الغاضبه وايه هو طبيعه الشغل ده...
اجابته غفران بدلا