مينفعش تجيب ممرضه بنت
ببص من غير ما ياخد باله... ايه ده دا نفس الراجل بتاع امبارح الي كان هيخبطني بالعربيه....
ايه الي جابو ورايا وبيراقبني ليه....
فضلت ماشيه لحد ما وصلت مكان مفيهوش حد خالص وهو لسه ورايا...
رحت وقفت فجأه ولفيت وشي....
_ هو حضرتك تعرفني...
_ وانا هعرفك منين...
_ يعني انت مش ماشي ورايا...
_ وهمشي وراكي ليه يعني...
_ بصراحه انا اول مرة اشوفك ومعنديش عربيه اصلا
_ ازاي انا والله عرفاك وشفتك قبل كده...
_ هو انتي مجنونه...
ابعدي عني لو سمحتي انا ورايا مشاوير...
_ بالله عليك لو تعرفني قولي انا مين وفضلت اترجاه راح زقني جامد وقعني فالشارع...
ابعدي عني ياستي انا مش فاضي وسابني ومشي....
الظاهر انه وهو بيزقني تليفونه وقع اعدت ادور عليه لقيته اختفي خالص مش لقياه...
فضلت ماشيه فالشارع لقيت نفس الكشك الي كنت فيه امبارح ونفس الراجل قلت اشتري ميه...
_ سلام عليكم ياحاج
_ عليكم السلام يابنتي اتفضلي..
_ هو انت مش فاكرني ولا ايه
_ لا مش واخد بالي بصراحه...
_ انا الي سألتك امبارح عالحادثه
_ ازاي ياحاج انا متأكده ان انت
_ انا يابنتي مش فاضي للكلام وورايا شغل..
مشيت وسيبته..هو ايه الي بيحصلي ده..
ازاي بتخيل حاجات وتاني يوم تحصل عكسها..
فضلت ماشيه وآخر ما تعبت اعدت عالرصيف اعيط..
واحده ست كبيرة وقفت..
_ مالك يا بنتي فيكي ايه....
_ انا مش عارفه انا مين وحكيتلها كل قصتي...
_ ازاي ارجوكي ساعديني...
_ روحي يابنتي السجل المدني وهما هناك هيقدرو يساعدوكي..بس روحي بكرة عشان هما دلوقتي قافلين عشان الوقت اتأخر...
_ حاضر هعمل كده ادعيلي يا ماما
_ ربنا يابنتي يقربلك البعيد...
_ قمت امشي عشان اروح ل سالي ابات عندها عشان بكرة انزل من بدري عالسجل المدني..
اعدت ادور علي حد اتكلم من عنده مش لاقيه حد..
فجأه افتكرت تليفون الراجل الي معايا الي وقع منه...
قلت اتكلم فيه لحد ما يتصل وادهوله...
كتبت رقم سالي ولسه بتصل...
لقيت رقمها متسجل عنده وكانت دي اول صدممه ليا....
كتبت رقمها عالتليفون ولسه بتصل ايه دا رقمها متسجل عنده
فتحت السجل لقيت في بينهم مكالمات كتير..
ايه دا هو مين وايه علاقته ب سالي انا لازم اعرف..
طيب ما جايز تبقي صدفه..
اعمل ايه اسأل سالي...
الأحسن اني اسكت خالص واقفل التليفون ده واحاول اتوصل لحاجه...
كلمت سالي من الكشك عشان اروحلها مانا هبات فين يعني...
وافقت طبعا ورحت بالفعل...
_ ها عملتي ايه قدرتي توصلي لحاجه...
_ لا طبعا موصلتش ل اي حاجه...
منا طبعا مش هقولها علي موضوع السجل المدني...
احسن تكون عارفه حاجه ومخبياها..
وجايز برضو اكون ظلماها بس الاحتياط واجب...
_ انا هطلع انام انا اسفه اصلي تعبانه اوي...
_ تحبي اجيبلك برشامه للصداع..
_ اه ياريت...
خدت البرشامه وعملت نفسي شربتها احسن تكون مش برشامه صداع انا مش هآمن لحد بعد كده...
طلعت فوق وقررت افتش في تليفون الشخص دا يمكن اوصل لحاجه...
ملقتش اي حاجه غير رقم سالي مفيش حاجه تاني..
ياترا ياسالي انا فعلا ظلماكي...
نمت شويه وأول مالنهار طلع نزلت رحت عالسجل المدني...
بس وانا ماشيه لقيت نفس الشخص ماشي ورايا لا دا بيراقبني بقي...
مشيت بسرعه وكان في زحمه دخلت فيها عشان اعرف اهرب منه والحمد لله عرفت اهرب منه...
فجأه لقيت تليفونه رن
ايه دا دي سالي انا هفتح ومش هرد....
_ ايوة يا حيوان مش بترد من امبارح ليه دي نزلت من بدري..
قفلت السكه وقفلت التليفون وعرفت ساعتها انهم متفقين عليا بس يا ترا متفقين عليا ليه ومع مين وايه علاقتهم بيا..
وصلت السجل المدني وطلبت اقابل المدير هناك وقلتلهم اني لازم اقابله دي حاله حياه او مت...
دخلوني عنده...
وحكيتله قصتي استغرب جدا بس قالي انا هعمل كل الي بوسعي عشان اساعدك انا هاخد بصمتك وهوديها للمعمل وهناك هيعرفو انتي مين عن طريق بصمتك....
_ بجد
_ ايوة بس اديني ٣ ايام وهقولك عالنتيجه...
خرجت من السجل المدني وانا كلي أمل نفسي يعرفو انا مين..
بس الموبايل الي معايا دا ممكن يجبلي مشاكل ولو عرفو انو معايا ممكن يأذوني رميت التليفون فالشارع عشان حد ياخدو كأنه لقاه مرمي وانا بقي هتعامل عادي جدآ وكأني مفيش اي حاجه يمكن تحصل حاجه تكشفهوملي...
رحت لسالي تاني عشان ابات هناك منا معرفش حد غيرها...
طلعت عشان ارتاح وانام...
وانا نايمه حلمت حلم غريب اوي حلمت ان سالي بتكلم الولد الي كان بيراقبني بتقوله تعلالي دلوقتي حالا انا خلاص خدرتها وجاهزه للعمليه انا كشفت الاول وعرفت ان كل اجهزتها سليمه
قمت من النوم مفزوعه علي جرس الباب...
_ عامله ايه
_ الحمد لله ياسالي بس تعبانه شويه ممكن تسيبيني ارتاح
_ طبعا اتفضلي..
ياترا ياسالي انتي وراكي ايه ولا عقلي الباطل هو الي هيألي انك ممكن تأذيني كده بدافع انك ممرضه وممكن تشتغلي في تجارة الاعضاء ربنا يستر...
فضلت قافله علي نفسي يومين...
بتطلع تعد معايا شويه وتنزل تاني وتجيبلي اكل وتقولي لو مصدعه قوليلي اجبلك حبايه..
انا لحد دلوقتي ما مسكتش عليها حاجه بس انا باخد احتياطي...
_ انتي بقالك يومين منزلتيش يعني هو في حاجه
_ لا بس تعبانه شويه انا عارفه اني متقله عليكي انا متأسفه جدا..
_ متقوليش كده احنا زي الاخوات بظبط
_ طيب استأذنك انا ادخل انام...
_ اتفضلي طبعا تصبحي علي خير انا نازله
_ وانتي من اهلو...
دخلت نمت وهي نزلت...وحلمت بنفس الکابوس تاني
وفجأه صحيت مفزوعه شربت ميه ولقيت النهار طلع
قلت اروح السجل المدني اشوف الاخبار ولقيت نفس الشخص ماشي ورايا مكنش قدامي خيار غير اني اصوت وألم عليه الناس واقول انو عاوز يسرقني
وبالفعل الناس اتلمت عليه...
وعرفت اهرب منه وطلعت عالسجل المدني...
وهناك طلبت تاني اني ادخل للمدير...
دخلوني بسرعه...
لقيته بيقولي..
_ حضرتك فين انا دايخ عليكي من امبارح...
_ حضرتك قولتلي اني اجيلك بعد تلت ايام..
ها قدرت توصل لحاجه...
انا خلاص عرفت انتي مين وايه الي حصلك كله..
_ بجد انا مين بالله عليك بسرعه
_انتي...............
انتي إيناس البيومي بنت اكبر مستورد في مصر والدك اټوفي من حوالي سنتين وشهر وورثتي عنه ثروه كبيرة جدا بس للأسف عملتي حاډثه بعديها بشهر من وفاه والدك والي ظاهر عندي هنا انك مېته وشهادة وفاتك اهي....
_ طيب قولي هو انا عندي اولاد ومتجوزه ولا لا..
_ ايوة متجوزه بس معندكيش اولاد...
ودا العنوان الي قاعد في جوزك...
_ طيب ممكن طلب اخير...
ارجوك متحكيش لأي حد علي الموضوع ده انا عاوزه اشوف رد فعل جوزي لما يعرف اني لسه عايشه
_ اتطمني خالص انا مشفتش حضرتك واعتبريني مقبلتكيش..
خدت العنوان زي المجنونه وطلعت اجري اترمي في حضڼ جوزي اكيد بيدور عليا بقاله سنتين....
وصلت للعنوان فيلا ضخمه شبه القصر طلعت اجري زي الهبله...
ايه دا انا شفت واحده داخله قبلي دي سالي ايوة والله سالي ايه الي جابها هنا...
استخبيت بسرعه احسن تاخد بالها مني وفضلت مستنيه شويه لقيت الراجل الي كان بيراقبني دخل وراها
بعدين بقي فالحيرة دي هما مين دول وايه علاقتهم بجوزي...
فجأه
