قاسم عاوز اعرف حكايه فرح

اي! ولد ولا بنت..

فرح بطلي غباء ي بت أنتي هو أنا هعرف دلوقتي..

قاسم الدكتور قال أن هي كويسه والحمل كويس.. قولت أجيبها تقعد معاكم شوية قبل م أرجع الشركة..

فرح شوفي مش راضب يخليني ارجع الشغل..

قاسم فرح الدكتور قال راحه.. بطلي اهمال في نفسك..

غرام طيب تعالوا يلا..

قاسم لا أنا همشي بقي عشان ورايا شغل كتير.. يلا سلام ي فرح.

فرح سلام..

فرح طلعت هي و غرام فوق و قعدوا سوا يضحكوا و والدهم كان نايم و عايدة عند بنتها..

غرام في حاجه عاوزة اقولهالك..

فرح حاجه اي!

غرام حكت لفرح الموقف الأخير مع ياسر و شوية تفاصيل تانيه..

فرح أنتي اللي غلطانه!

غرام م أنا عارفه..

فرح غرام.. ياسر كان بيحبك من وقت ما شافك اه كان فاكرك زينه بس مجرد اسم يعني هو حبك أنتي ف بلاش تظلميه.. أنتي مبتحبيهوش..

غرام بس مع الوقت...

فرح بمقاطعه مفيش حاجه اسمها مع الوقت ي بنتي..إنتوا بقالكم فترة مخطوبين دا أنتي قعدتي معايا 3 أيام مشوفتكيش مره بتكلميه..

غرام أنتي عارفه أني مبحبش امور الارتباط دي!

فرح بقولك اي أنا أكتر واحده حفظاكي و أعرف أفرق بين انك مبتحبيش أمور الارتباط أو مبتحبيهوش هو.. 

و بعدين هو انتوا بتتكلموا في امور عاديه لما هتتكلموا في امور ارتباط..

غرام عمتا بقي ي فرح هو شكله كدا

هيفشكل الخطوبة..

فرح و أنتي شكل الموضوع جاي علي هواكي..

غرام أنتي ي بنتي بمېت حال!

فرح أنا صعبان عليا ياسر مش أنتي اللي صعبانه عليا..

غرام بغيظ ي سلام هو اللي أخوكي ولا أنا ي بت..

فرح طب والله ياسر زي أخويا..

غرام هشوفه هيقول اي ي غرام و ان شاء الله يقول حاجه تطمني شوية من ناحيته..

فرح المهم انتي هتقولي اي..

غرام بضحك استني بس ي أختي ي اللي فهماني.. و هتشوفي أنا هقول اي...

فرح و جلال كانوا واقفين في البلكونه و غرام نازله...

فرح تفتكر هتفشكل..

جلال تؤ.. هتقدم معاد كتب الكتاب..

فرح دي مش طايقاه..

جلال اسكتي انتي أنا عارف بنتي كويس..

غرام خرجت بليل وقفت قدام بيتها لحد م ياسر وصل و أخدوا تاكسي ووصلوا لكافيه..

ياسر تشربي اي!

غرام اشرب ايس كريم..

ياسر ب ابتسامه فنيليا ولا شكولاته..

غرام مانجا..

ياسر ماشي..

ياسر طلبها لها أيس كريم وليه قهوه و بعدين بدأ يتكلم في الموضوع..

ياسر أنتي كنتي معجبه ب فارس صح!

غرام نعم!

ياسر خلينا نكون صريحين زي م أنتي كنتي معايا من البداية و أنا أحترمت دا حقيقي.. بس أنا حسيت بكده و كنت لازم اسأل أحسن ما يكون في تعقيدات بيني و بينك..

غرام اه بس اي سبب السؤال..

ياسر أنك مبتحبنيش..

غرام و أنت عمرك سألتني أصلا أنا بحبك او لا!

ياسر مهو أنا مش عاوز اسأل عشان عارف الإجابه و كنت بحاول أقنع نفسي بعكس كدا..

غرام أنت عاوز اي ي ياسر عشان أبقي فاهماك..

ياسر عاوز نعيد نظر في أمر خطوبتنا..

غرام يااه.. م أنت لو عاوز تسيبني يبقي قول بشكل مباشر..

ياسر أبدا.. دي أصعب حاجه بالنسبالي.. أنا بحاول أسهلها عليكي أنتي..

غرام أنت شايف أن انا عاوزة كدا!

ياسر اه..

غرام غلطان..

ياسر يبقي فهميني عكس كدا..

غرام مبحبش أمور الخطوبة و الارتباط و الجو دا.. بحب الأمور تاخد وقتها.. مش لازم أقولك بحبك أو معجبه بيك او او و أوجع في قلبي ع الفاضي.. ولا بحب أعلق نفسي بحد مش متأكده من وجوده للأخر.. يمكن لو كان كتابنا اتكتب كان عقلي هيهدي علي قلبي شوية.. 

أنا عمري م أعجبت ب فارس.. هو واحد كان هيجي يتقدملي ف لك أن تتخيل اني معلقتش نفسي ب خطيبي اللي هو أنت.. هروح أعلق نفسي ب واحد كان بيقول لسه مجرد كلام.. 

أنا طبعي كدا ي ياسر و أنت جيتلي علي كدا و هتاخدني علي كدا.. بعد الجواز أنت هتكون سندي و عكازي في الدنيا.. الأمان اللي هروحله و وقتها هبقي أقولك.. بحبك ي استاذ ياسر.. لأني فعلا كده..

ويتبع.. 

بقلمي آية_محمد_عامر 

حكاية_فرح

إبن_صاحب_الشركه... 

البارت الأخير.. 

أنا طبعي كدا ي ياسر و أنت جيتلي علي كدا و هتاخدني علي كدا.. بعد الجواز أنت هتكون سندي و عكازي في الدنيا.. الأمان اللي هروحله و وقتها هبقي أقولك.. بحبك ي استاذ ياسر.. لأني فعلا كده..

ياسر اي دا! أنتي قولتي اي!

غرام قولت أزود مانجا تاني..

ياسر بطلي فصلان بقي أرحميني..

غرام بضحك متمسكش بقي في اخر كلمه م تركز في الكلام اللي قولته في الأول..

ياسر كتب الكتاب يوم الجمعه..

غرام والكلام اللي أنت قولته ي استاذ مين هيتحاسب عليه..

ياسر مستعد أتعاقب اي عقاپ..

غرام طيب لحظه أخرج النوت بتاعتي.. ها قولت كلام ملهوش اي تلاتين لازمه نكد شهرين.. مبتحبش المانجا نكد أسبوع في حد مبيحبش المانجا..

ياسر اي دا.. انا بحبها بس مليش في الأيس كريم.. المانجا دي بتتاكل كدا بالحب..

غرام ظلمتك.. خلاص نشيل الاسبوع.. يبقي كدا شهرين نكد بعد الفرح..

ياسر بعد اي ي عنيا!

غرام الفرح..

ياسر لا بقولك اي.. انتي منكده عليا بقالنا اربع شهور خطوبة ي فله.. ماشي يعني كدا اكتبي عندك في شهرين أنا دافعهم مقدم..

غرام ي سلام..

ياسر طب بقولك اي انا نفسي كانت مسدودة بس خلاص دلوقتي اتفتحت تيجي نطلب عشاء..

غرام لا.. أنا لازم اروح عشان زمان فرح مشيت و عمتو عند بنتها و بابا هتلاقيه لوحده..

ياسر ي سلام م أنا هروح أقعد لوحدي عادي.. أنتي دلوقتي بتوهيني في الكلام ليه مش عارف أخد منك لا حق ولا باطل..

غرام م ي ابني قولنا مليش في الكلام دا.. لا اله الا الله..

ياسر اهدي ي حاج اهدي مش كدا..

غرام بضحك متخرجناش عن شعورنا بقي..

ياسر مقرفكيش معايا يعني..

غرام بالظبط.. الله ينور عليك..

ياسر أنا شكلي كدا داخل علي أيام ما يعلم بيها الا ربنا..بس بردو كتب الكتاب يوم الجمعه..

غرام الرأي رأي بابا..

ياسر حاضر هكلمه و هاخد رأيه و هقنعه ب إذن الله..

غرام و لمعلوماتك أنا الحاجه اللي كنت بعملها كنت بفكر الأول الحاجه دي هتضايقك ولا لا مكنتش بسألك عشان عارفه انها مثلا مش هتضايقك أو أن مفيش داعي أقولك.. مكنتش بحب أني إتكلم كتير عشان خاېفه اتعلق بيك.. 

أنا خسړت أهلي في وقت قصير.. أهلي اللي كنت ضامنه وجودهم حواليا العمر كله.. أنا كنت ولا زالت بخاف.. بخاف من غلطه مليش ذنب فيها أدفع تمنها.. بس مفيش واحده هتلاقي حد بيحبها كدا و قلبها ميكونش ميال ليه.. بس كنت بضحك علي نفسي.. لحد يوم كتب الكتاب كنت مبسوطه اوي و بعدين شوفت فرح و فارس و الحكاية القديمه اتفتحت من تاني رجعتني لنقطه الصفر.. أنت ملكش ذنب بس صدقني اللي أنا مريت بيه مكنش هين.. التعافي من المخډرات اللي مكانش ادمانها بمزاجي 1 في الميه كان صعب أوي عليا.. أني اعيش في مكان بعيد عن ابويا اللي روحي فيه كان صعب و أني اتأقلم و اعيش و اشتغل كمان.. عملت حياة جديده في أقل من سنتين ونص بعد خروجي من المصحه.... 

أنت هتاخد واحده هلكت نفسيا و يمكن اوقات كتير بقول أنت اي ذنبك..