مكتوبه على اسمى 29
انت في الصفحة 1 من 4 صفحات
الحلقة_29
مكتوبة_على_إسمي
بقلمي_ملك_إبراهيم
عامر بص على العقود بتاعهم وكان عقد آيات هو اللي قدامه في الاول وقرأ اسمها وقال برسمية آيات عرفان..
ردت آيات بتوتر إشتغلت قبل كده.
هاجر وشريف بصولهم بستغراب وعامر بص قدامه تاني وسألها ممكن اعرف سيبتي شغلك ليه
آيات بصتله بغيظ وقالت جوزي.. جوزي هو اللي طلب مني اسيب الشغل.
آيات بصتله بدهشة وهاجر وشريف بصوا لبعض پصدمة وفكروا انهم بيهزروا.
آيات اتوترت من أسئلة عامر الغريبه بالنسبه لها لانها لما أشتغل في شركة أمجد مسألهاش الاسئلة دي!
عامر كان بيبصلها ومنتظر ردها.. آيات بصتله وقالت بتوتر ايه علاقة الاسئلة دي بالشغل!!
عامر رد بثقة ده سؤال طبيعي جدا وارد اي حد يسأله!!
اتكلم عامر بثبات أي مدير هتقوليله ان جوزك هو اللي طلب منك تسيبي شغلك اللي قبله اكيد هيسألك الاسئلة دي.. يعني انا اضمن منين انه مش هيطلب منك تسيبي شغلك هنا!
آيات بصتله پصدمة وسألته هو انت ممكن تطلب مني اسيب شغلي هنا!
رد عامر عليه وهو بيبص ل آيات لا يا شريف انا مش بهزر.. الأستاذة متقدمة للوظيفه وانا من حقي اعرف اذا تستحق الوظيفه او لا!
وبص ل آيات تاني وسألها برسمية شايفه نفسك فين بعد 10 سنين
آيات بصتله بعمق وردت بغيظ شايفه نفسي في البيت وعندي اولاد كتير وبيجروا في كل البيت وانا مټعصبه وجوزي راجع من شغله مزاجه حلو ورايق وانا اصړخ فيه واقوله عيالك مجننني واټخانق معاه كل يوم وانكد عليه كل ما اشوفه قدامي.
شريف وهاجر ضحكوا وعامر كتم ضحكته وقالها براڨو.. براڨو.. الطموح حلو برضه.
آيات اتعصبت وقالتله ممكن اعرف لما انت رافض تشغلني كنت وافقت ليه من الاول اني اشتغل!!
رد عامر عليها بهدوء تشتغلي او متشتغليش دي مشاكلك مع جوزك في البيت لكن احنا هنا في الشركة وانا المدير واللي يهمني انك تكوني موظفه ملتزمة ومتدخليش حياتك الزوجيه في الشغل.
ووقع على العقد بتاع هاجر بالموافقة.
آيات بصتله بدهشة وقالت بغيظ اشمعنا هاجر مسألتهاش الأسئلة دي
رد عامر وهو بيكتم ضحكته وبيرسم الجدية علي الملامحه لان انسه هاجر إشتغلت هنا بواسطة اخوها.. لو كان ليكي واسطة كنت وافقت على العقد على طول.
آيات بصت ل عامر پغضب وخرجت مع هاجر وعامر ضحك اول لما آيات خرجت وشريف أتكلم معاه وهو بيضحك وقاله هو ايه اللي بيحصل ده!
عامر ضحك وهو بيفتكر ردود آيات عليه وبص ل شريف وقاله عايزك تكلم المحامي بتاع الشركة يقولنا ايه الأوراق المطلوبه عشان آيات تدخل الجامعة في العام الدراسي الجديد.
شريف بصله بدهشة وسأله آيات حابه تدخل الجامعة
عامر هي مطلبتش مني بس انا عارف ان نفسها تكمل تعليمها وانا مش حابب انها تشتغل دلوقتي.. عايزها تعيش سنها وتعوض اللي انا حرمتها منه.. تدخل الجامعة زي البنات اللي في سنها وتكمل دراستها وبعد كده تشتغل برحتها.
قام عامر وقف وبص من النافذة اللي خلف مكتبه وقال انا لسه حاسس بالذنب اتجاهها يا شريف وآيات مبقاش لها حد غيري دلوقتي ومسؤولة مني.. عايزها تحقق كل اللي بتحلم بيه ومتحسش في اي لحظة انها اتظلمت لما اتجوزتها
