وعد اه يا رجلي ياني ياما ...ھموت... منك لله اشوف فيكي يوم يا بعيده

الفصل الاول
وعد اه يا رجلي ياني ياما ...ھموت... منك لله اشوف فيكي يوم يا بعيده 
ردت ميار بضحك اي يا بت ما تنشفي كدا لسه ورانا جوله تانيه لسه فاضل حاجات عاوزه اشتريها 
وعد نعم يا أختي لا يوم تاني انا خلاص ھموت من التعب 
ميار كدا يا وعد عاوزه تتخلي عني وانا عروسه ومليش أخوات ولا أصحاب غيرك 

وعد ايوا يا بت ثبتيني مبخدش منك غير كلام وبس 
ميار عشان خاطري بقا يا وعد يا قمر انتي 
وعد خلاص يا اختي ومالو بس اكل الأول عشان هقع من الجوع 
ميار ومالو في مطعم هناك اهوو تعالي ندخل نأكل وبعد كدا نكمل لف ع المحلات 
وعد اوك يلا 
دخلوا المطعم وقعدوا وعد شافت بنت صغيره جميله جدا قاعده ع الطرابيزه اللي قصدها شاورتلها البنت ضحكت ونزلت تجري علي وعد 
وعد يا خلاثي ع الجمال يا ولاد اي القمر دا
البنت ضحكت
وعد لحظت ان الطرابيزه اللي البنوته كانت قاعده عليها فاضيه ومفهاش حد فسألت البنت اومال فين مامي يا قمر 
ملامح البنت اتغيرت وبان عليها الحزن وردت بصوت ضعيف مامي عند ربنا 
وعد قلبها ۏجعها عليها يا روحي طب انتي هنا مع مين 
جت البنت ترد سمعوا صوت بينادي وعد يا وعد 
وعد سمعت الصوت اللي اخترق قلبها قبل سمعها بس حاولت تكدب نفسها وتقول لا أكيد مش هو 
بس اتفاجأت ان البنت الصغيره نزلت من ع رجلها وجريت علي مصدر الصوت وهي بتقول نعم يا بابي انا اهوو 
وعد رفعت عيونها تشوف بابا البنت وكانت صډمه خلتها معرفتش تنطق وهو كان في حاله أصعب منها كان بيبصلها بنظره كلها شوق معرفش يداريه وهمس بأسمها... وعد 
وعد حست انها بتحلم ودا أكيد مش حقيقه دا مش مازن أكيد لا مش مازن اللي واقف وشايل بنته لا مش هو بس فاقت علي صوت البنت الصغيره بتقول لباباها بابي تعالا عشان تشوف صحبتي الجديده 
وشاورت ع وعد ونزلت جري عليها 
وعد لسه مصدومه ومش قادره تستوعب بس ميار حاولت تسيطر ع الموقف وهي بتبص لمازن ببرود ازيك يا مازن ...عاش مين شافك ...بنتك قمر ما شاء الله 
مازن اهلا يا ميار ...ازيك انتي 
ميار كويسه 
مازن بص لوعد ووجه لها الكلام ازيك يا وعد 
وعد اتكلمت بصوت متحشرج حاولت تغلفه بالبرود تمام 
بصت الصغيره لها بدهشة وقالت ببراءه انتي وعد كمان ...يعني احنا 2 وعد 
وعد ابتسمت لها ايوا يا قلبي احنا الاتنين وعد 
مازن بص لبنته واتكلم يلا يا حبيبه بابي نمشي عشان عندي شغل كتير
وعد الصغيره لا انا عاوزه اقعد مع وعد صحبتي 
مازن لا يا حبيبتي مش هينفع انا مشغول 
وعد الصغيره لا انت هتروح الشغل وتسبني في البيت لوحدي وانا بخاف 
مازن ما هو يا قلب بابا انا عندي شغل هخلصه وارجعلك بسرعه 
وعد الصغيره بردو لا 
وعد حاولت تحل الموقف خلاص خليها معايا وروح انت شغلك ولما تخلص هبقا اجبهالك 
مازن بس 
وعد هي في أمان معايا ...متخفش بس لو قلقان عليها يبقي 
مازن رد بسرعه لا طبعا انا اديكي روحي وانا مطمن 
حس انه مكنش ينفع يقول كدا لما وعد بصتله بعتاب وجعه فكمل كلامه ماشي خليها معاكي ووجه كلامه للصغيره حبيبه بابي خليكي مع طنط وعد وخلي الفون معاكي عشان اكلمك عليه 
وعد الصغيره ماشي يا بابي 
مازن سلام يا روح بابي 
فرصه سعيده يا ميار ...مبسوط إني شوفتك يا وعد 
سلام 
وسابهم ومشي
ميار نادت عليها وعد 
وعد هاا 
ميار حاسه بأيه 
وعد ردت بهدوء عكس اللي جواها ولا حاجه 
ويلا خلصي اكل عشان نلحق نشتري باقي الحاجات
ميار لا نكمل بكرا مش هينفع والبنت معانا وكمان انا تعبت اصلا وانتي كمان شكلك تعبتي 
وعد كانت فعلا مش هتقدر تكمل... انها تشوف مازن بعد السنين دي كلها وكمان بنته معاه مكنش سهل ابدا عليها فوافقت ع كلامها وخلصوا اكل وروحوا ع بيتهم وعد عايشه هي وميار لوحدهم بعد ما اهلهم اتوفوا في حاډثه ومن يومها ووعد هي المسؤلة عن ميار وسعادتها اهم من سعاده وعد نفسها 
رجعوا بيتهم ووعد وميار حبوا وعد الصغيره جدا وقضوا باقي اليوم ضحك ولعب لحد ما وعد الصغيره تعبت ونامت 
الفون بتاع وعد الصغيره رن وكان طبعا مازن وعد اترددت كتير انها ترد بس لازم تطمنه ع بنته فردت 
وعد